الجزء الاخير من إسكريبت العازب والأربعينية
ده تليفون حياة
محمد بإندهاش ايوه بس هى تعبانة شوية وفى المستشفى حاليا .
اقولها مين لما تفوق
فصاح مصطفى بقلق مستشفى حياة ازاى وليه !
لو سمحت قولى فين أرجوك عشان أجى حالا اطمن عليها .
فتعجب محمد من لهفة صوته وحدث نفسه هى ايه الحكاية بالظبط هى الست بتلعب من ورانا ولا ايه بس مش باين عليها .
ده أنا من أول ما عرفتهم وهى ست محترمة فإزى حصل .
بس يا خبر النهاردة بفلوس بكرة يبقى ببلاش .
انا هخليه يجى وأشوف بنفسى .
.....
على جانب آخر كانت كريمة تأن وتبكى من مفارقة مصطفى.
حتى اتصلت بها أختها نعيمة .
نعيمة مال صوتك يا حبيبتى انتى تعبانة ولا ايه
كريمة تعبانة بس ده انا ھموت بحسرتى يا اختى .
نعيمة ليه كفالله الشړ .
كريمة مصطفى يا اختى ساب البيت وهج وساب أمه حبيبته عشان وحدة عازبة مقصوفة الرقبة شغلته وعايزاه يجوزها .
ومش عارفه اعمل ايه أسبهلها الواد الحيلة اللى تعبت وشقيت عليه بالساهل كده .
نعيمة بحوقلة لا حول ولا قوة الا بالله العلي العظيم.
ربنا يهديك يا مصطفى .
بس اللى أعرفه يا حبيبتى ان مصطفى ابنك ماشاءالله عاقل مش طايش عشان وحدة تضحك عليه بالسهولة دى.
وهو اه عندك حق صعب عشان عازلة وهو لسه مدخلش دنيا .
بس مش يمكن دى اللى تريحه وتكون أحسن من اى بنت بنوت .
فصاحت كريمة ياريت عازبة وبس يا اختى دى كمان اكبر منه عندها بتاع أربعين سنة وزيادة .
فهتريحه إزاى دى عايزة اللى يريحها وهتخلف إزاى دى دى خلاص داخلة فى سن اليأس .
نعيمة صلى على النبى كده يا اختى وقولى يارب .
وفوضى أمرك لله وقولى اللى فيه الخير اكتبه ليه يارب .
وعلى فكرة العند مش هيعمل حاجة هيخليه يتمسك بيها اكتر .
عشان أنا عارفة دماغه ناشفة .
كريمة يعنى ايه اسيبه كده بالساهل يا نعيمة ليها
نعيمة لا مش كده بس هوديه وخديه على قد عقله .
كريمة وافرضى مزهقش وتبت فيها بايده وسنانه اعمل ايه انا بقا .
نعيمة ساعتها يبقى الواد ده ليه نظرة وفعلا الست دى كويسة وتستاهل إنه يرتبط بيها .
كريمة ايه الكلام الفارغ ده !
حتى لو كويسة هيخلف منها ازاى ويعيش حياته ازاى بعد كده .
نعيمة دى حاجة بتاعة ربنا يا حبيبتى.
مهى ممكن تبقى صغيرة ومتخلفش وكبيرة وتخلف ده رزق .
كريمة بسخط اه يا
