إسكريبت يا ليلى

روحت اودي طبق بسبوسه لطنط سعاد و انتي عارفه بيبقي شكلي عامل ازاي لقيت مين بيفتح الباب ... المعيد
_ بتهزري ھموت من الضحك
اه يا بنت ال بتضحكي عليا
_ بصراحه تضحك اوي 
قاعدنا نضحك علي الموقف بصراحه هي عندها حق الحوار يضحك اوي تاني يوم افتكرت اني عندي سكشن لنفس المعيد اتأخرت قصد بصراحه و انا داخله عملت نفسي عبيطه و دخلت علي طول لقيته بينادي عليا 
٠ اتاخرتي ليه يا آنسه
معلش يا دكتور الطريق كان زحمه
٠ يا ريت ما تتكررش تاني
مردتش عليه و دخلت قعدت لاول مره في أول صف علشان ليلي الجزمه مجتش النهارده ركزت معاه و هو بيشرح او ركزت فيه هو أول مره ادقق في ملامحه كده كانت ملامحه هاديه و شكله كيوت و هو بيشرح سرحت فيه مفوقتش غير و الناس قايمه تمشي قومت مشيت و انا حاسه بمشاعر المفروض محسش بيها انا معجبه بياسر و بحبه مشيت و انا سرحانه لغايت ما وصلت و اللي فوقني صوت ياسر و هو بينادي عليا 
.. يا غراااام
ايه يا ابني بتزعق ليه
.. ما بقالي ساعه بنادي عليكي و انتي مفيش خالص
معلش كنت سرحانه 
.. مين اللي واخد عقلك
اتنيل ها اتنيل
.. في واحد تقول لواحد اكبر منها 7 سنين كده يا طفله
انت هتقعد تقرفني كل شويه بالحوار ده مكنوش سبع سنين يعني و بعدين بكره تيجي واحد قدي توقعك و بكره تقول غرام قالت
بصلي بحنيه و قالي .. و هي لسه هتوقعني هي وقعتني خلاص
كنت هضحك بس قولت امسك نفسي و اعمل عبيطه و هي مين دي بقي
بصلي بقله حيله و قال .. لا متخديش في بالك .. انتي صح جريتي ليه إمبارح كده
متفكرنيش نفسي اعرف ايه الجاب المعيد بتاعي عندك
.. ده زين يا بنتي صاحبي من زمان اوي
بس انت عمرك ما قولتلي عنه ده
.. ما احنا بقلنا فتره مش بتكلم و كلمني من يومين و عزمته عندي علي الغدا
اها طيب انا هطلع انا بقي يلا good bye
تاني يوم روحت الكليه و لقيت ليلي مستنياني 
_ الحقي
ايه
_ المعيد عايزك في مكتبه
و ده عايز ايه ده
_ معرفش و الله
روحتله خبطت و دخلت 
قالولي ان حضرتك عايزني
٠ اه اتفضلي اقعدي .. كنت حابب اعرف رايك في حاجه لو مش هزعجك
اكيد يا دكتور اتفضل
٠ لقيته بصلي بطريقه غريبه و قالي .. هو لو معيد معجب ب واحده من طلابه دي فيها مشكله
اكيد لا كل واحد حر في اختياره
٠ و انا اخترتك انتي
اټصدمت .. افندم
٠ انا معجب بيكي و حابب نرتبط
بس انا مليش في الارتباط بتاع اليومين دول
٠ نتعرف