اسمعينى انا ل رنا_حميدو

اسمعيني أنا..
اسمعك إيه أنا شوفتك في معاها بتقولها نفس الكلام إللي كنت بتقوله ليا وقال إيه محبتش زيك ومش هقول الكلام ده لغيرك إنسان كداب.
كنت وحشة معاك حبيتك بجد بكل ما فيا بكل الطاقة إللي عندي.
عطيتك كل حاجة حب واهتمام و في الآخر أخدت مقابل ده خېانة!
أنا استاهل يحصل معايا كده
اسمعيني بقى حبي ليكي مببقاش كافي لأي حاجة مش قادر استحملك خلاص جيبت آخري معاكي وفي نفس الوقت مكونتش عايز امشي واسيبك عايز أكمل وعايز فرصة تانية.

ياريتك مشيت ولا إنك خليتني احس الاحساس ده إني مطلعتش كفاية في الآخر بعد كل إللي عملته كانت دي النتيجة.
أنا ماشية والفرح إللي كان كمان شهرين اتلغى سلام.
بعد شهرين.
كان زمان فرحك النهاردة منه لله كسر بفرحتنا.
ماما علشان خاطري خلاص طلع واحد خاېن أفضل معاه ليه
حقك عليا يا قلب أمك.
هدخل أنام شوية.
دخلت أنام مش عارفة فتحت الفيس لقيت صور خطوبته اختار خطوبته في نفس يوم فرحي! عمري ما هسامحه بجد كما تدين تدان أكيد.
ماما هنزل أتمشى شوية.
ماشي خلي بالك من نفسك.
حاضر.
نزلت اتمشيت على البحر شوية وفضلت أفكر في إللي حصل.
هل مطلوب مني أكمل مع حد خاني واديله فرصة ونبدء من جديد هل المفروض كنت كملت هل أنا استاهل يحصل معايا كده الإجابة لأ وألف لأ أنا قدمت كل ما عندي ولقيت الخېانة كانت المقابل فلأ مفيش فرص لشخص خان مهما حصل.
اتمشيت كتير أوي لدرجة إني محستش بالوقت.
بصيت في التليفون لقيتني أتاخرت فهروح.
يا آنسة يا آنسة
بتكلمني أنا
آه تتجوزيني
مردتش عليه وسيبته ومشيت ده شكله عبيط.
روحت البيت وماما كانت مستنية أرجع.
حمدالله على السلامة طلما جيتي هدخل أنام بقى.
تصبحي على خير يا ماما.
وإنتي من أهل الخير يارب وربنا يفرح قلبك ويعوضك.
يارب يا ماما.
دخلت الأوضة وفضلت أفكر في الشخص إللي قالي تتجوزيني وإزاى شخص ميعرفنيش يقولي كده لحد ما نمت.
تاني يوم.
حياة أصحي يلا.
صحيت أهو صباح الخير.
صباح النور يا حبيبة قلبي قومي فوقي يلا.
حاضر.
قعدت مع ماما وفطرنا وقررت أنزل أدور على شغل.
ماما هنزل أدور على شغل.
ماشي ربنا يوفقك.
يارب.
فضلت أدور كتير وملقتش حاجة مريحة ليا نهائي آه مفيش راحة في الشغل بس برضوا مش حاسة نفسي فيه عادي.
وأنا ماشية حد خبط فيا.
مش تحاسب حضرتك
تتجوزيني
أحيه عليا هو أنت تاني
كويس إنك فكرة وضيعتي فرصتين.
ياعم أتكل على الله مش ناقصة عبط هي.
ماشي ماشي.
مشى الحمدلله تقريبا مختل عقلي...
بس راجعلك تاني خدي بالك.
بسم الله الرحمن الرحيم اقطعلي الخلف مشيت وأنا متعصبة لحد ما وصلت البيت.
تعالي يا حياة أعرفك على قريبي.
السلام عليكم.
وعليكم السلام ورحمة الله