اسمعينى انا ل رنا_حميدو
انت في الصفحة 2 من صفحتين
وبركاته.
قولت في سري
الصوت ده أنا سمعته قبل كده
لقيتني تلقائي ببص لقيته هو نفس الشخص.
أنت بتعمل إيه هنا
تعرفيه
لأ يا طنط يمكن متلغبطة ولا حاجة.
لقيته بيبصلي كتير إني محكيش ولقيتني سكت.
آه يا ماما يمكن اتلغبطت عن أذنكم بقى.
وتعدي الأيام وهو كل شوية يرخم عليا سكن في الشقة إللي في وشنا بقى عايش معانا حرفيا.
حياة ماتوافقي نتجوز بقى
قولت كده بيني وبين نفسي.
ليه مصمم عليا وإحنا نعرف بعض من كام شهر بس
من 15 سنة وشهرين ويوم قصدك
نعم
إنتي بجد مش فاكرة أنا فكرتك كل ده بتلعبي معايا زي زمان
لأ مش فاكرة.
وإحنا صغيرين كنا بنلعب مع بعض آخر مرة شوفتك فيها كان عندك 5 سنين ومن بعدها شوفتك تاني صدفة بس وإنتي عندك 19 سنة عرفتك على طول كنا متفقين من صغرنا حياة ولؤي لبعض مهما حصل لما كبرت قولت خلاص كان لعب عيال لما شوفتك تأكدت إنه مش لعب عيال نهائي قررت أشتغل وأكبر شغلي وأتقدم عرفت خبر جوازك بس بعدها عرفت إنه اتفركش منكرش إني فرحت واستنيت شوية وظهرت قدامك وافقي بقى.
ما توافقي يا فوزية بقى
والله
آه والله.
هفكر.
معاكي أسبوع بس بعدها يا هتجوزك برضاكي يا ڠصب عنك عادي.
بس ياض.
ياض!
آه.
أنا مش هتكلم.
أحسن برضوا.
فاضل يومين على فكرة
آه إن شاء الله.
هنخلف إمتى بقى في أول سنة
لأ.
لأ إيه
مش ناوية أخلف في أول سنة هو آه طبعا ده في علم الغيب وكل حاجة.
هكون لسة بتعرف عليك يمكن منتفقش سوا أجيب طفل أظلمه معايا
أنا بحبك
أوقات الحب إللي قبل الجواز وكل الانبهار وكل حاجة بتختفي بعد الجواز وقتها هتستمر ليه
بس أنا هكون عايز أخلف منك أكيد.
نفرض طلعنا ناس غير صالحة لتربية طفل أو ناس غير سوية أو حتى تحمل المسؤولية
معاكي حق لما نكون جاهزين فعلا من كل حاجة ناخد الخطوة دي بس لو ربنا أراد من عنده مش هنقول حاجة ونحاول سوا
ثانية!
إيه
معنى كلامك ده إنك موافقة
آه موافقة.
يا فرحة قلبي يا جدعان أخيرا بس لأ طلعتي مدلوقة قولتي ردك قبل ما الأسبوع يخلص.
أغير رأيي يعني
لأ ما صدقت والله حقك عليا.
طب أنت كنت عارف إني خلاص كنت هتجوز والسبب إني فركشت إنه...
مش عايز أعرف كل حاجة محصلتش وأنا موجود خليها في الماضي خلينا في دلوقتي أنا إللي ليا من وقت ما دخلت حياتك وبس ده إللي حقي أعرفه بموافقتك طبعا.
موافقة.
وأخيرا هبقى عريس.
فرحان كده ليه كأنك كسبت جايزة ولا انتصرت في حرب
بقربك و وجودك معايا ده أكبر انتصار ليا ولازم أفرح لما أحققه وأفوز بيه بحبك.
بصتله وابتسمت من أعماق فؤادي مش قلبي.
توتة توتة خلصت الحدوتة.
رنا_حميدو
