يويو
البيت ما كنتش لقيت اى حاجه تسلينى و توحدت مع الموبايل و التى فى
امانى هو مش كنتى لسه خارجه من يومين
امانى تضحك
تقى هو انتى كمان هتحسبي دى عليا خروجه
امانى بت ما تصيعيش عليا انتى انبسطتى
تقى يا بنتى احنا الكلام اخدنا مش اكتر
امانى بس ارتاحتى و الا ما كنتيش قعدتى الوقت دا كله معاه
امانى طب ما تحاولى تكلميه انتى مش عارفه البروفايل بتاعه ابعتيله رساله
تقى بت انزلى من على ودانى انا مش فيقالك
امانى براحتك
تقى توصلها رساله تشوفها
تقى استنى دا باعتلى رساله على الماسنجر ايه ده
امانى مين احمد
تقى عاوز يتكلم معايا ... هو فى ايه
تقى تفاصيل ايه يا بنتى مش الموضوع انتهى بيكلمنى ليه تانى اصلا
امانى يا شيخه بس ما تقوليش الكلام الۏحش دا انتوا بقي فى بينكوا عيش و ملح كلميه كلميه و شوفى هيقول ايه يمكن ندمان و عاوز فرصه تانيه
تقى دا انتى الفراغ واكل دماغك
تقى هى فيها سهر انا هرد عليه دقيقه اشوفه عاوز ايه و اكلمك
امانى اه نفس الدقيقه هروح اقابله ساعه واحده و ارجع و ركبت الناقه و شرخ
تقى تصدقى ان انا غلطانه انى بقولك اى حاجه اصلا اقفلى اقفلى
تقى مش هكلمك سلام
تقى تقفل و ترد على الرساله
تقى خير
تليفونها يرن تستغرب و ترد
تقى انت سجلت رقمى !!
احمد ما انتى لسه مسجله رقمى
تقى عادى يعني نسيت امسحه و اتلخمت و نسيت بتحصل
احمد ما علينا انتى عامله ايه الاول
تقى الحمد لله تمام خير حضرتك عاوز تتكلم معايا فى ايه خير
تقى نعم !! ازاى يعني مش دا كان اتفاقنا اللى اعتمدت عليك و حضرتك ما نفذتوش
احمد مش ذنبى انى ما لقيتش فيكى غلطه مقنعه اقولها لاهلى و بعدين انتى فهمتى ايه انا اقصد اتحججتى بايه اقصد ازاى قدرتى تقنعيهم يبطلوا زن
تقى ما اقنعتش حد انا قولت مش مرتاحه و الموضوع اتقفل و يبقي الوضع على ما هو عليه لحين ظهور عريس جديد
تقى ايه الهبل ده و انت مالك فى و لا ما فيش اصلا
احمد بصي انا عارف ان اكيد هتفهم غلط و هلبخ و انى اخيب واحد فى المواضيع دى بس انا بقالى كام يوم بفكر و كنت عاوز يعني اسالك فى حاجه
تقى خير قلقتنى
احمد هو احنا ما ينفعش يبقي فى بينا فرصه
تقى انت بتتكلم جد و لا بتهزر ... داهيه لتكون فاكر ان الحمد لله فلت من الجواز منى تشقطنى بقي و الهبل دا دا انا اطلع عينك و عين ام
احمد حيلك حيلك اهدى اقسم بالله ما كدا ابدا و بعدين انا انسان محترم و متربى شقط ايه و قرف ايه يعني بعد ما دخلت البيت من بابه اروح انط من الشباك انا ما ليش فى السكك دى اصلا و اكيد عارف انك ما لكيش فمش هقل من نفسي اوى كدا انتى ايه الدماغ دى
تقى ما انا مش مصدقاك بصراحه فرصه ايه اللى بتسال عنها
احمد بصراحه امى جابتلى عروسه زى الزفت هى مش وحشه بس مش طموحى خالص بصراحه انتى جنبها نعمه
تقى هو انا ليه حاسه انى بټشتم داهيه لتكون فاكر ان ده مدح
احمد ابدا و الله انا ... انا اقصد انى مرتاحلك اكتر ما قدرتش اتكلم معاها و لا اقبلها زى ما اتكلمت معاكى
تقى هو ايه ده انت بتتكلم جد
احمد هكدب يعنى اه حصل انا ارتحتلك و ما تنكريش انك انتى كمان ارتحتيلى و بعدين انا مش عاوز اضغط عليكي احنا الاتنين مش مستعدين للجواز نفسيا و احنا الاتنين محطوطين تحت ضغط
تقى ايوه ايه المطلوب بقي
احمد فرصه
تقى ما احنا اخدناها و اتقابلنا مرتين مره هنا و مره بره
احمد و فى المرتين كنا مرتاحين فى الكلام مع بعض بس كنا مقررين انه لا من الاول و فعلا ركنا كل اللى حسينا بيه و روحنا قولنا اللا
تقى فانت عاوز فرصه تانيه نقول فيها اه مش كدا
احمد هم عملوا الخطوبه ليه يعنى
تقى هو انت عشان تهرب من العروسه الوحشه التانيه فقولت اخف الضررين اخد تقى مش كدا
احمد على فكره التانيه قمر
تقى و ما دام الهانم قمر جيتلى ليه بقي ان شاء الله
احمد ما قولت مش قادر الاقى معاها نفس الكيميا اللى لقيتها معاكى
تقى بص انت بجد مختار وقت غلط خالص تكلمنى فيه فى الموضوع ده و حرفيا انا مش مستوعبه حرف من اللى بتقوله
احمد ليه
