يويو
خير فى حاجه حصلت و لا ايه
تقى و انا المفروض احكيلك يعني يا باشمهندس بص ... انا هقفل مع السلامه
احمد طب اجى و لا لا
تقى مع السلامه
تقى تقفل و هى مش مستوعبه حاجه تتنهد تليفونها يرن امانى تضحك
تقى انتى ايه كنتى داخله معانا على الخط
امانى ربنا يخليلنا التروكولر طول ما انتى بيزي كنت بفرك اول ما ادانى الاشاره رهوان
امانى طمنيني كان عاوزك ليه
تقى قال ايه اللى رماك على المر قال اللى امر منه مامته جابتله عروسه مش عجباه قال اللى نعرفه احسن من اللى ما نعرفوش
امانى تضحك اوى
تقى و الله ليكي حق
امانى بحسه برئ اوى و طيب و ما بيعرفش يلف و يدور دا واحد تانى كان دخل عليكي بالحنجل و المنجل و ما عرفتيش تفلفصي منه
امانى بصي مش هنكر انه جلنف و ما كانش المفروض يقولك الحقيقه او على الاقل كان حاول يجملها بس مش هنضحك على بعض انتى كمان مرتاحاله
تقى بت غيرى السيره دى و شوفيلنا طريقه لولبيه مهلبيه نقنع بيها اهلى يطلعونى معاكوا رحله لاقصر و اسوان دى بدل ما اولعلكوا فى عم جاد بتاع الحواوشي و احق قلبكوا على كيس ميه السلطه بتاعه
تقى يووووه بقي يعني هنعمل ايه دلوقت
امانى هنمخمخلها طبعا
.....................
على القهوه
خالد و فيها ايه ما يترفض مره و اتنين و عشره كمان
محمد انا مش عاوز ابقي بضغط عليها خصوصا الفتره دى
خالد خير مالها ... احمد لما حاول يفاتحها فى الموضوع فهم ان فى حاجه مضيقاها بس طبعا ما نعرفش ايه هى
خالد و طبعا الرد الازلى لما تتجوزى ابقي اطلعى
محمد عليك نور
خالد لا كدا ليك حق طبعا ... بس انا مش شايف مشكله انها تطلع الرحله تغير جو و تنبسط شويه
خالد ما هى مع صحابها
محمد يا خالد البنات بتبوظ بعض
خالد انت ليك ببنتك و ما دام انت مربيها و واثق فيها ما تخافش اديها الثقه دى مره
محمد ما تلعبش فى دماغى انت كمان مش هتبقي انت و صحباتها عليا
خالد طب انا عندى فكره هتحللك الموضوع ده و تريح كل الاطراف اسمعها يمكن تعجبك بس محتاجك تثق فيا شويه
..................
يويو
لولو_محمد
الحلقه الثانيه
محمد اهو يا سيدي حوارات البنات ما بتخلصش ... صحباتها طالعين رحله لاقصر و اسوان تبع الشغل و نازلين زن على ودانها و امها مش راضيه تطلعها
خالد و طبعا الرد الازلى لما تتجوزى ابقي اطلعى
محمد عليك نور
خالد لا كدا ليك حق طبعا ... بس انا مش شايف مشكله انها تطلع الرحله تغير جو و تنبسط شويه
محمد لوحدها ازاى بس
خالد ما هى مع صحابها
محمد يا خالد البنات بتبوظ بعض
خالد انت ليك ببنتك و ما دام انت مربيها و واثق فيها ما تخافش اديها الثقه دى مره
محمد ما تلعبش فى دماغى انت كمان مش هتبقي انت و صحباتها عليا
خالد طب انا عندى فكره هتحللك الموضوع ده و تريح كل الاطراف اسمعها يمكن تعجبك بس محتاجك تثق فيا شويه
محمد ما طبعا بثق فيك قول خير
..................
فى القطر
ست بنات قاعدين فى كابينه من ضمنهم تقى و امانى و فى بنتين نايمين و ساندين راسهم على الشباك و بين الكنبتين شنط البنات على الارض
تقى انتوا متخيلين اننا هنفضل متزنقين كدا لحد الساعه ٨ الصبح
امانى ايوه البتر هيشتغل اهو ما تحمدى ربنا دا احنا ما صدقنا انك ركبتى القطر ده اساسا
سحر و بعدين هو احنا يعني هنقضي الوقت ده نبحلق فى بعض انا عملت حساب و جبت كوتشينه و اونو و هنولعها للصبح
البنت تشد شنطتها و تقعد تدور فيها
امانى استاذ و رئيس قسم الرحلات و الفسح فرقى ... هنلعب على المشاريب الخسران يعزمنا على حاجه ساقعه
تقى براشوط ما بتصدق اى فرصه
امانى لا و انتى الصادقه انا واثقه انى هكتسح ... فين يا بنتى الكوتشينه هى شنطه دى و لا مغاره على بابا
تقى طب بقولكوا ايه لحد ما تجهزوا هروح اجيب نسكافيه من الكافتريا اللى فى القطر عشان انا مش متعوده اسهر لدلوقت
اريج انتى عارفه يا بنتى الميه دى جايه منين و لا معموله فى ايه
امانى يا اختى سمى الله كل حاجه تبقي تمام بلاش وسوسه انتى يعني فاكره اكل نضيف اوى ما كلو على الله
تقى رهيبه امانى دى رهيبه .. المهم حد هيعوز حاجه اجيبهاله معايا
امانى اعملى حسابى فاى كان اللى هتجيبيه و ما تجبيش للمحسوكه دى بق ميه
تقى تضحك و تمشي و البنات
