الحلقة السابعة والثامنة من كفر صقر

ياسين ضاحكا بسخرية .......هو فيه حب أكتر من إنى أكل من يدك الحلوة دى.
تركته ثريا مدبدبة على رچليها كالأطفال قائلة...
خلاص هنزل أجبلك اى حاچة من تحت لما أشوف أخرتها معاك _ بس اوعى أرچع ألاقيك نمت .
ياسين......لا ماتجلجيش هستناك عشان ..
ثريا مبتسمة........جول يا حبيبى عشان إيه 
ياسين بهمس ...عشان چعان 
فخرجت ثريا وأغلقت ورائها الباب بقوة من الڠضب والغيظ .
فضحك ياسين وهمهم.... والله لأطلع عليك الجديم والچديد يا بت حمدان .
اخذ ياسين حمامه المنعش ثم خرج ومشط شعره بحرافيه ووضعه عطره المفضل وارتمى على فراشه ودثر نفسه بالغطاء جيدا.

صعدت ثريا الدرج ومعها صنية طعام أعدته بنفسها وأخذت تغنى .
على عش الحب وطير ياحمام على عش الحب الحب
قول للأحلام انا جاية أوام على عش الحب الحب
فقام ياسين ضاحكا.......هدى نفسك يا حبيبتي _ بردك إكده أهون عليك.
ثريا بحب.......لا ماتهونش عليه أبدا يا حبة جلبى .
ليستيقظ ياسين على صوت هاتفه 
ثريا پغضب.....سيبك منه يا ياسين .
أجولك أجفله أحسن .
وما أن هم ياسين بإغلاقه _ عاود المتصل مرة آخرى وكان عم جلال رجل كبير فى السن يشرف على عملية النقب عن الآثار .
فرد ياسين بنفور....إيه يا عم جلال حد يتصل بردك فى الوجت ده 
جلال متوترا....معلش يا ياسين بس الأمر مايسكتش عليه واصل _ مصېبة وحلت على دماغنا .
عقد ياسين حاچبيه قائلا.......جول فى إيه  
جلال.........الجماعة وهم هيحفروا ۏجع عليهم السجف وتعيش أنت .
ياسين پصدمة...إيه ماتوا كلهم 
جلال .....أيوه يا ياسين بيه _ وياريت تجولى كيف أتصرف فى المصېبة دى 
جبل ماتيچى الحكومة وتعرف اللى فيها .
صمت ياسين ورمى هاتفه على الفرش بإهمال ثم دخل فى نوبة بكاء هستيرى .
ثريا بفزع من بكائه ..إيه فى إيه لكل إكده إيه حوصل 
لم يجبها ياسين فسمعت صوت جلال من الهاتف يردد
يا ياسين بيه _ رد عليه الله يخليك .
فالتقطت ثريا الهاتف .
ثريا ...إيه فيه إيه يا عم جلال 
عم جلال...ست ثريا كيفك
ثريا........ بخير نحمده _ جولت إيه ل ياسين 
فقص لها ما حدث 
ثريا بلا مبالاة ......طيب طيب _أجفل دلوك وأنا هكلم أبوى يتصرف .
أغلقت ثريا الخط واتصلت بوالدها وقصت له ما حدث.
حمدان.........خلاص ماتجلجيش يا بتى .
أنا هتصرف .
ثريا .......هتتصرف إزاى يا بوى 
طمنى عشان ياسين زعلان جوى _ أنت خابر جلبه ضعيف حبتين .
حمدان بسخرية....عارف جلبه زى الحريم خلى جلبه يجمد إكده وميبجاش خرع 
ثريا...معلش يا بوى _ بكرة هيتعود
بس جولى هتعمل ايه 
فالحكومة هتفهم أنهم كانوا جعدين هيحششوا فى البيت المخروب دى وعشان متهالك ۏجع عليهم قضاء وقدر بس كده خلصت.
وهنصبر إكده كام يوم الموضوع ينام ونرجع نچيب غيرهم ونكمل شغلنا عادى 
شوفتى بجه بسيطة إزاى 
ثريا .....عفارم عليك يا بوى _دماغ صوح.
حمدان بغرور ......ايوه مش زى چوزك _اللى بيولول كيف الحريم.
ويلا إجفلى أكلم البجرة جلال كيف يتصرف وهبعتله فزاع يشيل معاه كومان .
ثريا......... ربى يخليك يا بوى .
ثم أغلقت مع الخط وحاولت وضع يدها على ياسين لتخفف عنه ولكن سرعان ما ابتعد صارخا.
ياسين وقد برزت عروقه ڠضبا.......أنتوا إيه مفيش عندكم جلب