الحلقة السابعة والثامنة من كفر صقر

ست ثريا هانم _ أنت مكانك فى الزريبة مش فى القصر .
ياسين ......تصدج بالله _ معاشرة الحيوانات اللى فى الزريبة أحسن منكم انتم شياطين .
فزاع پغضب........طيب أنا هوريك الشياطين هتعمل ايه دلوك 
فمزق جلبابه من الظهر حتى كشف عن جسده .
ثم ضربه بالسياط ضربات مؤلمة متتالية .
حاول ياسين تحمل الألم بقدر المستطاع .
وتساقطت دموعه ليس بسبب الألم فقط فالألم النفسى أشد بكتير .
وتذكر دموع والدته يوم زفافه على ثريا .
بدرية بصوت منبوح......إكده يا ابن بطنى _ دى أخرة تربيتى فيك هتچوز لحالك إكده.
ومعملتش لينا أى أعتبار ولا مجام وسط الخلج وأتبريت مننا .
ومستنى منهم يعملولك مجام _ لا والله ياما هتشوف منهم وبكرة تفتكر كلامى ده زين 
عشان اللى ملهوش خير فى أهله ملهوش خير فى حد .
ونسيت كومان حديث رسول الله _ اللى كنت حفظه وانت صغير وهتردده كتير
أبي هريرة رضي الله عنه قال جاء رجل إلى رسول الله صلى الله عليه وسلم فقال يا رسول الله من أحق الناس بحسن صحابتي قال أمك قال ثم من قال أمك قال ثم من قال أمك قال ثم من قال أبوك متفق عليه
فنكس ياسين رأسه حزنا ولكن حب ثريا أعماه عن الحق .
ثم أمسكت فى رچله أخته اسماء الصغيرة باكية قائلة .....خدنى معاك الفرح يا ياسين عايزة اشوف العروسة والجصر _ الله يخليك .
فصړخت بدرية فى سمية......هاتى أختك .
عشان ماتبهدلش البدلة الغالية اللى چيباله حماه حمدان بيه .
أقترب ياسين منها محاولا إرضائها قائلا ......يا أمى أفهمينى بس 
فابتعدت عنه بدرية وأشاحت وجهها عنه بحزن قائلة .......خلاص يا ولدى .
مش عايزة أفهم حاچة .
أنت بعت الغالى بالرخيص خلاص .
بس هتتحمل لوحدك مسئولية ده وماهتجيش تشتكى فى يوم من الأيام .
ياسين........أسمعينى بس _ ده ڠصب عنى وأنا هحبها جوى ومجدرش أبعد عنها.
بدرية بسخرية....بس جدرت تبعد عنا ومبجناش كومان نشرفك .
ماشى يا ولدى........أبعد براحتك ويلا عشان متتأخرش على عروستك أكتر من إكده .
أفاق ياسين من شروده على ألم ضړب السوط من فزاع .
ياسين صارخا.......عرفت يا أمى إن عندك حج فى كل اللى جولتيه بس للأسف متأخر جوى جوى.
يارتنى كنت فعلا عملت لنفسى مجام _أدينى أهو شايف الذل كله ولسه .
سامحينى يا أمى _ سامحينى .
..........................
قنديل غاضبا ........أنت يا بجرة يا سيد.
سيد .......نعم يا سيد الناس.
قنديل.......أنت مش جولتلى عندك حل عشان حتة الجشطة بتاعتى ثريا _ تيجى إهنه تانى.
سيد.......ايوه..
قنديل.......طيب ماتجول يا چاموسة على طول..
سيد......أنت مش صورتها فيديو لما كانت إهنه.
قنديل.... ...ايوه .
سيد خلاص.....محلولة إهى .
..لو مردتش تيچى بالذوج تيچى بالعافية بالټهديد
قنديل..........بس أنا يا غبى عايزاها تيجى برضاها من غير ټهديد .
سيد.........خلاص علينا وصفية .
قنديل...كيف يعنى 
سيد........يعنى هنچيب صفية إهنه _ نهددها بولادها لو مجبتش ثريا تانى .
فهتجبها عشان هتخاف على ولادها جوى .
ها إيه رئيك  
قنديل.......ماشى الكلام...روح حالا هاتها إهنه دلوك .
سيد .....طيب اصبر للصبح .
قنديل...لا مهصبرش _روح دلوك .
سيد...امرك يا سيد الناس .
...........
سمعت صفية طرقات على الباب فى وقت متأخر من الليل ففزعت وذهبت مسرعة لتفتح 
فوجدته سيد فانتفضت پذعر
صفية...........سيد .
سيد ........اه سيد يا خالة
صفية.........وعايز إيه دلوك
سيد....... . مش أنا اللى عايز _ ده سيد الناس عايزك ضرورى دلوك .
اتسعت عين صفية پخوف قائلة ......دلوك كيف إحنا وش الڤجر ولو حد نضرنى .
سيد ....... مليش فيه هو جال دلوك يبجى دلوك .
ولا أنت عايزاه يزعل ..وأنت خابره زعله زين 
صفية بفزع...خابرة خابرة .
طيب ثوانى هحط
الشال على جتتى وأجى معاك
صفية..... ...سلم سلم يارب 
يارتنى ماكنت ودتهاله _ أهى شكلها حطت فوج دماغى أنا .
يارب تكون عجبتكم الحلقة 
وعايزاكم تشاركونى الأحداث وتكتبوا توقعاتكم 
عشان أحس إنكم عايشين القصة معايا .
وكل اللى زعل على مايسة إيه رئيكم فى اللى عملته فى ياسين يستاهل 
متنسوووش لايك و كومنت
نختم بدعاء جميل
اللهم كرهنى فى معصيتك وأعنى على طاعتك 
ام فاطمة