إسكريبت رنا حميدو
انت في الصفحة 2 من صفحتين
-ممكن أسألك على حاجة؟
-نعم!
-سؤال باحترام والله.
-اتفضل.
-مالك حزينة كده ليه؟
-ميخصش حضرتك.
-أنا آسف.
-آسف حضرتك مقبول.
بعد أيام.
-لو سمحتي يا آنسة ينفع نشرب اتنين نسكافية سوا؟
-حضرتك جاى تستظرف!
-ليه بس!
-ده مكان شغل حضرتك، وأنا معرفكش أصلا.
-أنا إللي جيت من فترة أخدت رواية في قلبي أنثى عبرية.
-آه افتكرت حضرتك.
-هنشرب!
-لأ.
-ده إنتي رخمة بجد؟
-أفندم!
-آه رخمة عندك اعتراض؟
-مش هقولك، واتفضل إمشي.
-ماشي بس هاجيلك وقت تاني، وقريب خدي بالك.
-حضرتك مچنون صح؟
-بيكي.
-أفندم!
-أنا ماشي.
-يكون أحسن برضوا.
بعد شهرين.
-أكتر حاجة مفرحاني إن إحنا صحاب وأخوات بجد.
-صحاب موافق، لكن أخوات مفيش أخ بيتجوز أخته.
-إيه!
-إيه!
-إيه أنت؟
-إيه إنتي؟
-بطل تقلدني.
-حاضر، إنتي عارفة إني قربت علشان معجب بيكي، بقالنا صحاب شهرين وأنا أعرفك من 5شهور! كفاية لف ودوران بقى.
- مش هقدر أكرر غلطي تاني.
-أنا مش هو، ومينفعش تحكمي على كل العلاقات بالفشل من غير ما تخوضي التجربة!
-أنا اتخذلت وقلبي اتكسر من أقرب الناس، مش سهل أخوض تجربة جديدة!
-جربي وخلينا نحاول سوا!
-صعب، أنا حاليا بقايا انسان مش زى الأول، مش هتلاقي حب ولا اهتمام ولا أي حاجة، مش هقدر أديك أي حاجة.
-المهم إنك موجودة صدقيني مش عايز حاجة تانية، وكل حاجة هتيجي وإحنا سوا.
-هتكون بتظلم نفسك!
-شششش، بحبك.
-أنت قولت إيه!
-بحبك، وهفضل أحبك وإن شاء الله هنكون سوا وهعافر علشان ده.
-البنت مننا بتكون عايزة حد يعافر علشانها مش العكس، حد يحسسها بقيمتها وإنها حاجة، ويطمنها ويحبها بجد غير كده أى حاجة تانية شكليات بجد.
-أفهم من كده إنك موافقة!
-آه موافقة نخوض التجربة سوا؛ علشان أنت تستاهل ده حقيقي.
-أنا أسعد إنسان في الكون كله بجد.
-بصتله وابتسمت حقيقي، وفرحانة بعوض ربنا وعوض الأيام ليا، يمكن محبتهوش نفس حبه ليا بس يكفي إنه بيحاول علشاني! وأنا هحاول وهعافر علشانه.
-كده بقى يخص حضرتي وأقدر اشرب معاكي نسكافية، ومش هكون بستظرف صح؟
-بصتله وضحكت؛ لأنه فاكر كلامي معاه إللي من شهور.
-افضلي اضحكي دايما ضحكتك بتنور قلبي وحياتي حقيقي.
-حاضر.
-بحبك يا حياتي.
-حياتك!
-آه، حياتي السابقة إللي فضلت مستنيها تيجي وحياتي إللي جاية إللي هقضي معاها كل أيام حياتي بحلوها ومُرها لحد ما شعرنا يشيب ويبيض كده إن شاء الله يعني.
-بصتله وابتسمت واكتفيت بكده بس.
#رَنـا_حَـمـيـدو.
