الحلقة 13/14 من كفر صقر
متقلقيش .
ثم ظهر شىء ما بالسونار جعل أحلام تبتسم .
أحلام .........خلاص عرفت سبب الڼزيف .
بس خدى بالك بعد كده من اى مجهود وعايزاك ترتاحى تماما الفترة الجاية دى .
ثريا بقلق.........هو فيه إيه وليه يا دكتورة طمنينى .
أحلام .... مبروووك حضرتك
يارب تكون عجبتكم حلقة النهاردة
متنسوووش لايك وكومنت تشجيعى عسل زيكم .
يا ترى خلاص كده انتهت علاقتها ب ياسين ومش هترجع للقصر تانى
ايه رأيكم فى شخصية هنية عروسة عبد القادر
نختم بدعاء جميل
اللهم أعوذ بك من الفتن ما ظهر منها وما بطن .
فاقبضنى إليك غير مفتونة .
ام فاطمة .
كفر صقر
الفصل الرابع عشر
أصاب ثريا القلق من كلام الطبيبة فأردفت قائلة .....هو فيه إيه وليه يا دكتورة هتجولى إكده طمنينى الله يخليك
ثريا بذهول ......مبروك على ايه
أحلام..........حضرتك حامل يا مدام ثريا لسه فى أول شهر .
يعنى يدوبك كيس الجنين بس اللى باين .
وهتجيلى كمان اسبوعين كده ان شاء الله نتأكد أن الأمور تمام ويكون النبض ظهر.
أحلام...........هيه فيها هزار المواضيع دى
حامل طبعا !
بس الحركة اللى عملتيها دى غلط جدا_ عشان حملك مش ثابت وفيه نز..يف .
ثم تفاجئت الدكتورة بثريا وقد اقتربت منها تقبلها من وجنتيها.
ثريا..........ربى يخليك يا وش السعد والهنا .
ثم قامت صفية بإطلاق الزغاريد وقبلت ثريا .
صفية...........ألف ألف مبروك يا ست ثريا _ ربنا يجومك بالسلامة ويكون الولد اللى يعزك جدام سى ياسين بيه .
ثريا بفرحة......الله يبارك فيك يا صفية.
بس يا ترى الولد ده ابن حلال ولا ....
بس مش مهم _ المهم إنى حبلة وياسين هيرجعلى كيف الأول .
أحلام.........مدام ثريا _ زى ماقولتلك اهتمى بصحتك كويس جدا .
وهكتبلك على فيتامين فوليك اسيك ومثبت ولازم لازم الراحة ولو تعبتى أو حصل اى شىء قبل الأسبوعين دول اتصلى بيه أو تعالى على طول وان شاء الله خير .
ثريا بعين لامعة من الفرحة........ربى يخليك يا وش السعد .
يلا بينا يا صفية _ مشتاجة جوى أشوف الفرحة على وش ياسين لما يعرف إنى حبلة أخيرا.
صفية......ربنا يسعدكوا ويهنيكوا وتملى الجصر عيال.
ثريا ...يااااارب .
إسماعيل محدث نفسه ........يا ترى البت مايسة عملت إيه خلصت التنضيف ولا لسه عشان منضرتهاش تحت ولا هى ولا هو
ربنا يستر خاېف يكون عمل فى البت الغلبانة دى حاچة
بس مين البت اللى نزلت جرى دى ولا خدت بالها منى
أنا حاسس إن فيه مصېبة
