اسميته عمار

كتب الكتاب قالي إن لازم اكون جنبه وبما إني عارفة مدى تعلقه بوالدته الله يرحمها مهانش عليا أي نعم مكنش في كلام بينا غير بيسط بس أنا مبعرفش أشوف حد حزين وأقف مكتفة إيدي حتى لو هقول كلام بس من غير ما أعرف أعمل أفعال أنا بس هعمل اللي في إيدي.
أتفضلي.
إيه دا جايب هدومك
علشان تلبسيهم وإحنا بننضف.
تمام تمام.
دخلت ألبس لقيت البنطلون وكأنه شوال طويل والتيشرت زي بلوز طويلة الله بجد ليه الإنسان مكانش طويل يلا بسم الله.
طلعت وبصيت ليه وأنا متعصبة ومكتفة إيديا قال وهو بيضحك
يوعدي يوعدي على الشبر ونص.
استغفر الله العظيم هعمل نفسي مش سامعة أصلا علشان نخلص اللي ورانا.
طيب يلا بقى توكلنا على الله.
بدأنا ننضف فيها وكنا خلاص وصلنا لنصها جاله تليفون وكان مضمونه إنه مطلوب في الشغل لأن في meeting مفاجئ حاول يعتذر لكن منفعش.
للأسف شكلنا مش هنقدر نكملها النهارة بصي بكرا إن شاء الله نكملها.
روح أنت وأنا هحاول أعمل.
مش هتقدري لوحدك هتتعبي سبيها لبكرا وكمان هجيب لينا أكل.
مشي وأنا قررت أبقى strong woman فقولت لا وعملتها وهنا يحضرني قول كم إن الإنسان إختار إنه يتهان.
بما إن دماغي زحمة اكتر من السوق في يوم السوق فكنت بفكر لما كان بييجي في المرات القليلة في فترة الخطوبة كان كلام بسيط بالرغم من إني كنت مرتاحة لما صليت استخارة ساعتها بس مش عارفه ليه مرتاحه مع إني مصرة على الرفض ووالدته كانت حنينة أوي كنت بحبها كانت ليه الأم والاب بعد ۏفاة والده.
دخل عمار لقاني متلقحة على الأنترية احم أنا إنسانة لما بتكون تعبانة بنام نوم تقيل اتخض الولا يا عيني لما صحيت بصعوبة.
إدخلي اغسلي وشك وفوقي علشان نأكل.
استنيتك بس أنت إتأخرت.
الإحتماع المفاجئ بتاعهم طول.
معلش.
وبعدين مش أنا قولت إنك تعمليها لوحدك هتتعبي مش قولت هنعملها إحنا الاتنين 
رديت بتوتر الحمدلله إنها خلصت.
بص في بإستنكار والله! هي خلصت وأنت خلصتي.
تاني يوم نفس العملة بيصحيني علشان