بقولك يا زياد

_ ألا بقولك يا زياد

= قول ياحبيب اخوك

_ ما تجيب اختك ترقصلنا شويه 

امسكه زيادة من ملابسه بحدة وقال

= اتظبط يلا مالك ، أنت شارب إيه على المسا ؟!

أبعد محمد يد زياد وقال

_ خلاص متزعلش كدا ، كلها شهر وهشوف نساء عيلتك كلها بترقص في فرحك

عَرف زياد أن يوجد مغزى في حديث محمد ، ما كان محمد على خلق سئ أبدًا ، بل كان من أحسن أصدقاءه  ،  يشجعه على الصلاة وعندما  كان يقدم له حجج واهيه 
عن تأخير الصلاة أو تركها 
كان يأخذه من يده ويذهبا إلى المسجد ،  والآن بفضل الله ثم بفضل محمد أصبح زياد مواظبًا على الصلاة

فقال زياد

= عايز تقول إيه يا محمد

_ عايز اقولك إنك  مُقبل على حياة جديدة ليه تبدأها بالذنوب وعصيان الله ؟!

لما تعمل فرح مُختلط  البنات هتيجي بزينه كامله وحجتهم أنه فرح  وكأن ربنا مش هيحاسبهم عشان فرح مع إنه حرام بردو سواء فرح أو مصيف طالما خارج المنزل   يبقى حجاب كامل وبدون زينه ، وطبعا  وهيرقصوا  و الشباب   تبص عليهم

ودي كلها ذنوب بتتكتب في صحيفتك أنت وزوجتك

= طب ليه ؟! مش احنا إللي قولنا للبنات تتزين ولا ترقص ولا قولنا للشباب تبص عليهم

_ يا غالي ما انت مجهز  كل شيء للمعصيه أغاني وفرح مختلط  ، يعني بتدي واحد كاس خمرا وشربه وتقول أنا مالي ؟! ما انت إللي اديتهوله ، أنت ساعدته على المعصيه   
وبتاخد ذنوب

= فعلاً عندك حق ،  طب ما أنا حجزت القاعه ودفعت الفلوس ومينفعش ألغي الحجز  وكمان مش هقدر أحجز قاعه كمان أنت عارف المصاريف ،   كدا مش هعرف افصل بينهم

_ أمممم خلاص إن شاءالله نروح ونتكلم مع مدير القاعه ونشوف حل وطول ما أنت عايز ترضي ربنا ، متقلقش من شيء وأن شاءالله ربنا هييسرلك الأمور

= يارب ، وكمان لسه هكلم زوجتي واعرفها مش عايز نبدأ حياتنا بالذنوب ، أنا حياتي اتغيرت ١٨٠ درجه لما انتظمت في الصلاه  وقربت من ربنا فمش عايز اعصيه

عانقه محمد وقال

_ ثبتك الله على طاعته ورضاه وزادك قُربه يا غالي

____________________________

= ها يا ريهام قولتي ايه

# تعرف يا زياد أنا شوفت النهارده منشور على الفيس بيقول

" لا تجعل يوم عُرسك فرحًا في الأرض وغضبًا في السماء "  

بحثت عن الموضوع وعرفت أن الحاجات إللي بتحصل في الأفراح اليومين دول من أغاني ورقص وكل دا حرام وأنا مش عايزة دا يا زياد أنا موافقه طبعا أننا منعملوش مختلط ومن غير أغاني  وإن شاء الله ربنا هيعينا على دا

وأهم حاجه رضا ربنا علينا

ابتسم زياد وقال

=  الحمدلله إن ربنا رزقني بيكِ يا ست البنات 

ثم نهض وقبل رأسها وقال

= أنا هروح اعدي على محمد صاحبي ونروح نشوف القاعه وربنا المستعان

# إن شاءالله خير يا حبيبي

توقف زياد في صډمه وقال

= أنت قولتي إيه ؟!

خجلت ريهام مما قالت دون قصد  

# قلت إن شاءالله خير

= لأ إللي بعدها 
زادت حمرة وجنتها وقالت

# أنا راحه أشوف ماما

ضحك زياد وقال ماشي أهرب يا جميل يلا سلام

# سلام في رعايه الله وحفظه

__________________________________

وذهبا كلًا من زياد ومحمد إلى القاعه فوجدوا ادوات بناء فقال محمد 
  
_ هم بيجددوا القاعه ولا إيه  ؟!

= مش عارف تعالى ندخل ونشوف

وذهبا إلى  المدير

_ السلام عليكم ورحمه الله وبركاته

: وعليكم السلام ورحمه الله وبركاته ثم أشار إلى زياد وقال مش حضرتك زياد علي إللي حاجز القاعه في يوم ١٠/١٠  ؟!

= أيوة أنا يا فندم  هو حضرتك بتجدد القاعه ولا إيه ؟!

: لأ أنا بفصلها حتى كنت لسه هكلمك واقولك على النظام إللي هتمشي عليه القاعه

إن شاءالله أنا هفصل القاعه إلي قاعتين واحده للرجال والتانيه للنساء وكل قاعه باب خاص بيها  ومفيش أغاني  

هيبقى في اناشيد بالدف وفي فرق بيتجي بتنشد  للرجال  فرقه رجال وللنساء فرقه نسائيه ،   يعني هتبقى قاعه لـ الافراح الاسلاميه مش عايز 
اغضب ربنا ، الدنيا فانيه متستهلش إن اغضب ربنا علشانها

فحضرتك موافق على نظام القاعه ولا لأ ولو مش موافق فحضرتك تقدر تاخد فلوسك عادي

نظر كلًا من محمد وزياد لبعضهما  في سعادة

فيسر الله لهم الأمور

فقال زياد

= اللهم بارك  ، لأ طبعاً أنا موافق