يا عينى عليهم

يا عيني عليهم مبقاش ليهم حد
ملهمش غير ربنا أمهم ماټت وهي بتولد فرح البت الصغيرة وأبوهم أهو توفى ويا حبة عيني مقطوعين من شجرة ربنا يحفظهم
لا حول ولا قوة إلا بالله العلي العظيم ربنا يتولاهم برحمته
كان هذا حديث سيدتان في عزاء وفي أحد الأركان تجلس فتاة ذات السادسه عشر من عمرها تعانق أختها الصغيرة ذات ثمان أعوام وتربت عليها وتتذكر ليله امس 
حين كان والدها طريح الفراش بعد إجراءه عمليه جراحيه بقلبه 
إيمان يا بنتي أنا عارف إنك شيلتي الهم بدري من بعد مۏت امك وأنت مسؤله عن البيت وأنا خلاص هقابل رب كريم

قالت إيمان بدموع 
_ بعد الشړ عليك يا بابا هتقوم بإذن الله وهتبقى كويس
متعيطيش يابنتي أنا مش سايبلكوا ولا مال تسندوا عليه أنت واختك ولا قريب حتى بس أنا مش خاېف عليكوا عشان ربنا معاكوا وهيراعكم أي حاجه أنت عايزاها أدعي ربنا بيها يا بنتي ربنا كريم اوووي 
وخلي بالك من أختك يا إيمان 
أشهد أن لا إله إلا الله و أشهد أن محمدا رسول الله
وذهبت الروح إلى خالقها
وبكت عين إيمان دون إرادتها ثم مسحتها سريعا كي لا تلاحظ أختها الصغيرة فهي لا تريدها أن تحزن 
ومر بعض الوقت وغادرت السيدات من العزاء وتبقت إيمان وأختها الصغيرة التي قالت
إيمان أنا بابا وحشني اووي
عانقتها إيمان وقالت
_ ادعيله بالرحمه دايما يا حبيبتي.
حاضر هدعيله هو وماما
ثم طرق أحدهم الباب بشدة
فتحت إيمان فوجدت صاحب العقار
_ نعم يا حاج
أنا عايز الإيجار بقالكم اكتر من ٣ شهور مش بتدفعوا
خرج من الشقه المقابله رجل في منتصف العقد الرابع من عمره
في إيه يا حج عثمان دا وقت تطلب في ايجار
معلش يا أيوب أنا ورايا التزامات ومصاريف ولو مش هيدفعوا يبقى يخرجوا من الشقه واجرها لناس تانيه
خاڤت الصغيرة من صړاخ هذا الرجل واختبأت خلف أختها
قالت إيمان وهي تحاول الثبات وعدم البكاء فأين سيذهبان
_ بعد إذنك يا حاج أصبر عليا وانا إن شاءالله هسددلك الإيجار المتاخر
لأ مش هصبر تاني أنا صبرت كتير لما كان أبوك عيان
خلاص يا حاج أنا هدخل أجيبلك الفلوس
ذهب إلى شقته ونادى على زوجته
أم نوح يا أم نوح
نعم يا حاج
هاتي القبض إللي ادتهولك
عايز مرتبك في إيه وكمان أنا صرفت منه وجبت حاجات في البيت 
هاتي الموجود وجهزي أكل للبنات 
اعطته المال وجدهم ثمن شهرين من الإيجار
خرج واعطاهم لصاحب العقار
خد يا حاج شهرين من الإيجار 
والباقي هيجيلك بإذن الله
ماشي يا أيوب يلا سلام عليكم
وذهب
قالت إيمان 
_ شكرا يا عم أيوب وأنا إن شاءالله هسددلك كل جنيه خدناه منك من ايجار وعمليه بابا الله يرحمه
بس يا بت أنت تسددي ايه  
دا ابوك دا كان أخويا مش صاحبي