مقولتش ليه انك هتكرمى

نفوس البشر.
عارفة يا نور أنا مشوفتش ابني مبسوط من زمان زي دلوقتي وولاد ابني لابسين أحسن لبس وتعليمهم بقوا مهتمين بيه وبيطلعوا من الأوائل وحياة ابني وولاده مترتبتش غير بوجودك وقرايبنا لاحظوا ده وفضلوا يشكروا فيكي ويقولولي زين ما اخترتي لابنك.
ده واجبي يا طنط.
بل أكتر من واجبك وزي مانا شايفاكي قدامي دلوقتي واثقة إن يونس ميقدرش يعيش من غيرك هو والولاد وآن الآوان تخليه ينسى ماضيه بالكامل وتجيبي عيل منه.
بس أنا مبفكرش أخلف يا طنط ويكفي عليا آدم وتقى.
يبقى حرام عليا وربنا مش هيسامحني ليوم الدين يا حبيبتي أنت مش مقصرة لا مع يونس ولا آدم وتقى بس كمان من حقك تفرحي وتعيشي إحساس الحمل وإنك تخلفي ويبقى ليكي ابن اتولد من رحمك حاسة بكل نفس بيتنفسه.
بصيت ليونس اللي كان بيرقص مع ولاده وبعدين بصلي وابتسم فابتسمتله تلقائي.
حماتي ابتسمت بيحبك الموكوس ابن الموكوسة والنهاردة همتحنلك غلاوتك عنده.
ضحكت إزاي
استني عليا.
ضحكت وأنا مشاعري متلغبطة ومش عارفة أحددها لكن لقيتني تلقائي بغني مع الأغنية اللي شغالة ومفيش حد مستحوذ على كياني وكل تفكيري غيره وهو صورته قدامي في خيالي قبل واقعي.
لمين الأغنية دي بقى
لحبيبي.
اللي هو مين.
رمشت بعيوني ببراءة
آدم ابني.
تعابير وشه اتقلبت وبصلي بتريقة
آدم ابني.
ضحكت بصوت عالي بعدين دخلت حماتي وقاطعت حديثنا
بقولك أي يا يونس أنا هآخد نور والولاد يباتوا معايا النهاردة.
باستغرابتاخديهم ليه يا ماما
عادي يغيروا جو وأنت ارجع على شقتك وبكرة ابقى تعالى خدهم.
بس...
مبسش واسمع الكلام خلي مراتك تاخد نفسها شوية.
بغيظ وهو بيبتسم ابتسامة صفرا ماشي يا ماما.
مشي وسابنا وهو مضايق كنت لسة هلحقه بس حماتي مسكت أيدي.
أحسن يكون زعل مني وافتكر إني حكيتلك حاجة يا حماتي وإننا اتخانقنا.
أنتوا اټخانقتوا
أيوة.
خلاص يبقى كده كويس علشان نشوف رد فعله وهيصالحك إزاي.
بس...
مبسش واجمدي كده الراجل يحب اللي تتقل عليه.
بس ده جوزي يا طنط مش واحد غريب.
أنا عارفة بقولك أي.
بيني وبين نفسي استر يارب.
الفرح خلص ويونس أخدنا علشان يوصلنا عند مامته وفضل طول السكة ساكت وسرحان.
بحذر يونس أنت كويس
هز راسه بأهاا وسكت.
طيب أنت مبتردش عليا ليه
أرد أقول أي
أي حاجة بس متسكتش.
داس فرامل وبعدين ركن على جنب
مش عايزك تروحي تباتي عند ماما يا نور متعودتش أرجع الشقة مالاقيكيش صوتك حواليا عاملي ونس وفكرة إني أتخيل بس إنك مش موجودة وجعت قلبي.
ابتسمت وفي نفس الوقت رديت سلامة قلبك يا حبيبي متقولش كده.
ابتسمالولاد ناموا هنروح عند ماما ولا
هتزعل لو مروحناش.
أنا عندي خطة.
وصلنا تحت العمارة وخدنا الولاد وطلعنا لحماتي وحمايا كانوا هما وصلوا من بدري ويونس ساب الولاد لحماتي وقالها إنه عنده شغل بدري ولازم أنا أصحيه وأعمله الفطار وحجة عبيطة مدخلتش على حماتي وحماتي غمزتلي وضحكت هي وبتهمسلي
وجرت الأمور كما خطط لها قولتلك ميقدرش يعيش من غيرك.
ابتسمتله تسلميلي يا طنط