عملتى بلوك ليه

لما يلاقي أتنين هتجمعهم علاقة ترضي الله سبحان وتعالى يبتدي يوسوس ليكم ويعمل كل ألي في وسعه علشان الجوازة متمش لقدر الله. 
علشان كدا بقولك دايما أقرئي أذكارك وخلي جبريل يقرئها أو يسمعها. 
وسورة البقرة متفارقش شقتك. 
كملت بمشاكسة
وبعدين ياميوي مش لون هو ألي يخليكي تعملي بلوك للواد!!
أبتسمت بصمت وأنا بفكر في كلام ماما. 
إحنا فعلا من ساعات ما الفرح قرب وكل حاجة وأي حاجة بتعمل بينا مشكلة.
ماما سألتني بترقب 
ألي يخليكي تقلقي يامي وتعرفي إن دي علامة من ربنا جبريل رد فعله في المشكلة بيبقي عامل أزاي.... هل بيقل أدبه بيزعق مش هقولك بيمد أيده لأن لو عملها واقعته سوده بس هل بيكون قاسې وحاسة إن المشاكل بتبعدكم مش بتقربكم
هزيت رأسي بالنفي وفي ثانية أبتسمت بحب لما أفتكرت قد إيه هو حنين. 
خالص ياماما عمره ما قسي عليا لا بكلمة ولا بنظرة ممكن صوته يعلي لكن يوصل لمرحلة الزعيق لا.
يبقي نستحمل وزي ما انت مضغوطة هو كمان مضغوط ونعدي أي شئ ممكن يسبب مشكلة ومش هقولك دلوقتي وبس لا عمومن خلي مشاكلك يبقي عليها القيمة مش تقومي تعملي مشكلة مع الراجل علي فردة شراب مش حاططها في مكانها مثلا أتعلمي تكبري دماغك.
فضلت ساكتة وتليفون ماما رن وبعد ما ردت عرفت إن هو ومستنيني تحت.
لبست الأسدال ولبست معاه وش المقموصة ونزلت. 
أول ما شوفته قعدت علي السلم وهو قعد جمبي وكان باين علي شكله الأنهاك والتعب ودا زود أحساسي بالذنب. 
والله إني بني آدمه عايزة الضړب.
سألته بهدوء 
أنت كويس
لف ليا
لحد ما أتنهد وبدأ يتكلم
يعني شايفاني ناقص تعب علشان تحرميني منك يومين ياشيخة ملعۏن دي أوضة ألي تخليكي تعملي لجوزك بلوك ومتشفهوش.
بقول بأسف وخجل من فعلي
حققك علي قلبي والله مش هتتكرر تاني كانت ساعة شيطان.
رفع عيونه ليا
دا كدا كدا ياميوي لأنها لو أتقرارت تاني هروحلك بيتنا بليل عادي
ضحكت وهو شاركني الضحك وبعدين قعد كويس ومسك أيدي
كالمت الصنايعي وبدأ في تغير الون زي ما أنت عايزة أنا عارف إن دا حققك وإنك عايزة كل كورنر في بيتنا يكون علي