كبرياء بنت عمى

لو معتبرين ده جواز اطلقها حتى اتجوز دي بسيطه يعني مش حكايه ممكن اطلق النهارده عادي 
ابوه قال پغضب شديد اه يعني بتقولي اطلع منها 
رضوى سمعت كل كلامهم وكانت دموعها متعلقه في عيونها بس خاڤت الموضوع يكبر لما لقت عمها متعصب اتقدمت عليهم وقالت بسرعه .... يا اهلا يا اهلا يا ابن عمي قالولي انك جاي انت وخطيبتك يا الف الف بركه 

ابوه اتفاجئ بكلامها ويونس وقف وهو بيبص لها من فوق لتحت بابتسامه واعجاب واضح رضوى ابتسمت ومدت ايدها بكبرياء وقالت...و انت كمان اتغيرت قوي ...يا اهلا بيك 
يونس سلم عليها وهو مثبت نظره عليها وهي سلمت على جوليا وقالت اهلا يا اختي وبصت لعمها وقالت ايه يا عمي زي ما اكون سمعت صوتك عالي هو في حاجه ولا ايه 
عمها اتنهد بحزن وقال.. ابدا يا بنتي 
رضوى ابتسمت وقالت.. طب كويس انا بقى عامله غدا حلوه قوي علشان ابن عمي..عملالك الرقاق اللي بتحبه رضوى كانت بتتحاول تتكلم عادي عكس الالم اللي جوه قلبها اللي حرفيا پينزف و يونس حس بكده واضح من عيونها ونظراتها وطريقه كلامها الي بتوهم الكل بيها انها كويسه ابتسم بخفه وقال... اكيد احب اكل من تحت ايديك 
رضوى ابتسمت ومشيت وهيه مڼهاره من اللي سمعته ومن اللي حصل كله مش ده الي كان في خيالها عن يوم رجعت ابن عمها وجوزها 
ابو يونس اتنهد ومشي وسابوا ويونس اتنهد وحاول يبتسم وبص لجوليا وقال ها يا روحي تعالي افرجك على البيت 
جوليا ابتسمت وكانت طريقه كلامها مش سليمه علشان اتربت بره وبتتكلم بالعافيه قالت.. واضح انهم مش حابينني خالص يا يونس 
يونس ابتسم وقال...اكيد لا بس هما اتفاجأو مش اكثر تعالي معايا واخدها وبقى يفرجها على البيت 
في المطبخ كانت رضوى دموعها على خدها وهي بتحضر الاكل سمعت صوته بيحمحم وقال..احم شوفتي الشنطه اللي جبتها علشانك 
يونس ابتسم وقال ليه بتقولي كده بالعكس دي في حاجات هتعجبك جدا 
رضوى ابتسمت وبصتله وقالت من وقت ما كنا صغيرين لحد دلوقتي كل حاجه اتغيرت كل
يونس ابتسم وقال..انا اكيد فاكرك..بس مكنتش فاكر انهم رابطينك بالموضوع ده ومعتبرينو جواز يعني هيه حتت ورقه ومش متسجله لو اعرف انهم اعتبروه جواز مكنتش اسيبك كل الوقت ده يعني كنت اكيد هرجع قبل عن كده شويه بس مع ذلك برضه انا اسف 
رضوى بصتلو وقالت بضيق..مش الورقه الي ربطتني بيك..انت كتبت كتابي بسنة رسول الله وبشهادة نص البلد..توثيقها في المحكمه ماهو الا اجراء قانوني انما قدام ربنا ملهاش
ملهمش لازمه 
يونس ما سمعهاش قال...نعم قولتي ايه 
رضوى ابتسمت بالعافبه وقالت...لا ولا حاجه متشغلش بالك ربنا يهنيك ولسه هتطلع مسك ايدها وقال رضوى انا حاسك مش مبسوطه خالص صدقيني مش راضيني ابدا لو انتي حابه ..احم حابه تكملي معايا تقدري تقولي عادي انا ممكن اخليكي على ذمتي لو انتي حابه كده وبالنسبه لجوليا هتفاهم معاها يعني هنتجوزها عادي و ابقى اجي على فترات علشانك 
رضوى ضحكت بالم وبصتله وقالت... لا شكرا انا مستغنيه عن خدماتك مبارك حضرتك على ست جوليا لو كنت حابه افضل معاك كنت قلت لك يا ابن عمي بس انت ما طلعتش زي ما انا كنت متخيله وانا اللي مش حابه اكمل معاك 
رضوى ابتسمت وبصتلو من فوق لتحت تقييم وقالت لا انت حلو وتمام بس يا دوب على الست جولي انما انا استاهل احسن من كده بكتير 
رضوى قالت كده ومشيت بثقه مصتنعه 
يونس بص لطيفها وضحك وقال فعلا تستاهلي احسن بكتير يا بنت عمي 
بالليل كانو على العشا وابو يونس كان متضايق جدا خصوصا لما يونس قال حضرتك تقدر تكلم الماذون او شيخ البلد او ايا كان علشان نخلص الموضوع اللي احنا اتفقنا عليه ونشوف هطلق ازاي ..علشان انا كلها يومين وهمشي اهل جوليا هيجو على ايطاليا وعايزين نعمل الفرح واول ما نجهز تيجي بقى علشان تحضر معايا 
ابوه ابتسم بسخريه وقال..وعلى ايه التعب اعمل فرحك هناك وانا مش جاي اصلا بلاش ابوك يشوفك عريس مش شرط 
يونس ضحك بخفه وقال ...وبعدين يا حاج هو انا مش عارف ارضيك خالص 
ابوه قال ..انت عارف ايه اللي يرضيني 
يونس اتنهد قال...بابا انا اتكلمت