الشيخ ميزو
ايه لو حطينا ميك اب قليل ومش ملفت !
فيها ايه لو بدءنا بالتدريج نتغير ونبطل نعمل حاجات كتيره كنا بنعملها !!
هي من جواها عارفه ومتأكده أن مفيش انسان كامل !
احنا عمرنا ماهنكون ملايكه ولا برضو عمرنا هنكون شياطين
لكن ممكن نكون أشخاص صالحين ممكن نتغير للاحسن بأرادتنا ولهدف معين ومبهج وهو الوصول للجنه
ميار هديتي!
ايمان بتلقائية هو انا وحشه
ميار باستغراب مش فاهمه !
ايمان بتوتر ي يعني انا انا مش كويسه بنت وحشه يعني ومحدش بيحبني وكده
ميار بذهول لا طبعا ليه بتقولي كده
ايمان وهي بتبص قدامها بحزن انا نفسي اتغير
ميار بفضول وهي بتسند ايديها علي الطربيزه تتغيري ازاي يعني مش فاهمه
ميار وهي بترمش عينيها باستغراب احم ي يعني قولي أن شاء الله يارب
ايمان بإصرار انا خلاص قررت اتغيرقررت اكون ايمان تانيه خالص
ميار بمزاح ليه هتتحولي ولا ايه
ايمان بضيق انتي بتتريقي
انسه ايمان
ايمان وهي بتلف لمصدر الصوت وبترفع رأسها ببرود خير يادكتور عايز تهزقني هنا كمان !
ايمان وهي بتبصله بقرف وانا مش قابله اعتذارك
محمد وهو بيضغط علي أيده بغيظ طب يا انسه ايمان عن اذنك
ايمان بتلقائية ايه ده انت مش هتصالحني
محمد برفعه حاجب طب مانا قولت انا اسف !
ايمان بتلقائية اكبر لا المصالحه مش كده
محمد باستغراب اومال ازاي بالظبط !
ايمان يعني تجبلي ورده شوكلت اي حاجه هو انا مش خطيبتك ولا ايه !
قال جملته ومشي وهي واقفه تبص لأثره بغيظ
ايمان وهي بتنفخ بضيق يارب أمتي يجوز بس انا زهججت
ميار وهي بتقفل عينيها نص قفله ده باين كده هنقول يادبله الخطوبه !
ايمان بتوتر هه أن شاء الله
ميار شكلك كده وقعتي في الحب ولا حدش سمي عليكي
ايمان بخجل ب بصراحه كده يعني كل الحكايه أني مرتاحه
ايمان وهي بتتنهد ادعيلي تكمل علي خير
في بيت ايمان وخاصه في اوضتها الساعه ١٠ بليل كانت قاعده في بلكونه أوضتها وهي بتشرب كوبايه شاي بلبن مشروبها المفضل وقاعده حاطه الهاند فري في ودانها وبتسمع سوره يوسف المره دي مش اغاني زي كل يوم
غمضت عينيها وسندت رأسها علي السور وهي بتفكر كعادتها
بس بس بسس
رفعت راسها لفوق باستغراب كان واقف زياد في البلكونه بتاعه الشقه بتاعتهم واللي سابوها من سنين
