اسكريبت مش كان زمانى

عليها بس أنا فعلا من ساعتها وأنا حاسة إني مش كويسة حاسة إني مضغوطة أوي وإني المفروض أعمل أكتر من اللي بعمله وأسعى أكتر من كدا بس أنا مش قادرة ولا عارفة أعمل كدا إزاي أنا طاقتي معتش جايبة حاجة أنا حتى الحاجات اللي كنت بعملها عادي طاقتي معتش جايبة إني أعملها دلوقتي وهي ضغطتني بشكل غبي ضغطتني أوي وحسستني إني مبعملش اللي عليا وإني فايتني كتير    أنا عارفة إني مش فايتني حاجة وإن دي أرزاق ودا نصيب بس ڠصب عني بجد كلامها حصرني في حتة استنفذت كل اللي جوايا عارفة انتي بقى جو اللي هو لازم قبل ما تتم العشرين تكون مخلص كل كورسات البرمجة واللغات والفري لانسينج وتكون بتعرف تطير وتعدي من الحيطة من غير ما تتكسر والحوارات المستفزة دي وإلا هتكون ضيعت أحسن سنين حياتك أهو كلامها واخد نفس الرتم وال tone دا يا سهيلة 
طبطبت على إيدي فكملت ودموعي بتنزل
عارفة!! الفكرة إنها متعرفش عني حاجة هي متعرفش أنا باخد إيه ومباخدش إيه متعرفش أنا بعمل إيه في وقت فراغي ولا حتى أوقاتي المليانة عاملة إزاي هي متعرفش عن حياتي حاجة غير إني بحس إني بالنسبالها واحدة اعتمادية طلباتي كلها مجابة وبتتكلم على هذا الأساس بس اللي أنا بواجهه أو بعمله هي مش بتشوفه محدش أصلا بيشوف الصورة كاملة غيرنا إحنا فيه كتير أوي بنخبيه عن الناس ومحدش بيكون عارف عنه حاجة بس إزاي الناس تسكت وتكفي الناس أذاهم وأذى كلامهم لا والله ما تحصل لازم نحكم على حياتك بمزاجنا ونحكم على شخصيتك زي ما إحنا حابين نشوفك ولازم نتكلم على هذا الأساس ونرجمك كل شوية بكلام ملهوش تلاتين لازمة عشان تحس على دمك اللي هما برضو حكموا عليه إنه معډوم!! وليه بيعملوا كل دا معرفش    معرفش 
خدت نفس عميق وهو بتطبطب عليا تاني وبعد ما هديت شوية لقيتني ببصلها وأنا بقولها بعجز
قوليلي انتي ليه يا سهيلة ليه بجد
شدتني لحضنها لدقايق ووبعد ما هديت شوية بعدتني عنها مسحت على راسي بحنان فكرني بماما أوي وبعدين طبطبت على إيدي وهي بتقولي بأسف
حقك عليا يا هدهود من كل دا حقك على قلبي والله 
سهيلة   
قاطعتني
أنا مش متعودة أشوف صحبتي مهزومة بالشكل دا فيه إيه يا هدهود هننسى إحنا هنا ليه أصلا ولا إيه حبيبتي إحنا هنا عشان نعبد ربنا بأعمالنا مش عشان يتقال علينا عملنا وخلينا وسوينا وخلاص! للأسف انتي عندك حق في كل اللي بتقوليه بس فين ثقتك وإيمانك في وسط كل دا لما تفكيرك يتشوش وطاقتك تتهدر بسبب كام كلمة زي دول يبقى انتي محتاجة تراجعي نفسك يا هدى وتراجعي انتي من الأصل بتعملي كل حاجة في حياتك ليه تراجعي نيتك أصلا من الدنيا دي إيه عارفة! الشيخ أحمد السيد في ڤيديو ليه في شرح رياض الصالحين كان بيتكلم عن النية كان بيقول كلام فيما معناه إن فيه ناس ممكن تتفاجئ انت أصلا لو عرفت إنهم بياخدوا ثواب وأجر على نومهم بسبب إنهم بينووا بيه نية كويسة زي العبادة أو غيرها تخيلي انتي إننا نبقى عايشين كدا بنعمل الحاجة لمجرد إننا نعملها وغيرك مجرد أكله وشربه ونومه بياخد عليهم حسنات عشان بينوي بس إنهم بيعملهم لله!! أنا عارفة كدا كدا إنك سمعتي الڤيديو لإنك انتي اللي كنتي باعتاهولي بس برضو بذكرك بيه تاني لإنك محتاجة تقفي