الحلقة التاسعة من أولاد الجبالى3

اللى فات ولا تحطيه فى دماغك وتبطلى تعذبى نفسك أكده يا قمر .
_ ولا حتى تشكرينى عاد وعاملينى إنى چوزك وبس اللى عيحبك وأنت عتحبيه لنفسه مش عشان عمل حاچة .
تنهدت قمر بحرارة مردفة بندم ياريت أقدر يا مسالم ياريت 
عشان طيف الماضى بيلحقنى زى ظلى وعامل زى ما يكون وحش بيقرب منى وعايز يموتنى .
_ ونفسى أنساه لكن مش جادرة للأسف .
مسالم ده شيطان عشان ييئسك من رحمة ربنا ويخليك حزينة طول الوقت فانت قاوميه وراضى قلبك الحزين ده وافرحى بحياتك الچديدة وقربك من ربنا سبحانه وتعالى.
قمر ياريت يا مسالم .
ربنا مسالم على كتفها بحنو وقال يلا إستعيذى بالله من الشيطان الرجيم وكملى نوم عاد .
إبتسمت له قمر وأجابته  بس هروح الحمام الأول مش خابرة طول الليل رايحة چاية على الحمام وبطنى مجلوبة أكده .
مسالم بقلق ألف سلامة على الچميل تلاجيه دور برد عفش معلش جومى أنت للحمام وانا هقوم أعملك شوب لمون أكده يروق بالك ويهدى معدتك .
ابتسمت له قمر بحب مردفة ربى لا يحرمنى منيك يا جلب قمر .
وعندما قامت قمر من الفراش ووقفت شعرت بإن الأرض تدور من حولها فأمسكت برأسها ثم لم تشعر بنفسها وهى تسقط أرضا مغشى عليها .
لينتفض مسالم وېصرخ قمر .
ثم أسرع إليها وحملها بيده المرتجفة من الخۏف ووضعها على الفراش حاول أن يوقظها بنثر العطر على مقدمة أنفها .
فاستفاقت مرددة بضعف مسالم انت فين 
مسالم بقلق انا إهنه جمبك يا جلبى ايه مالك عاد 
_ بدال تعبانة أكده جوى ليه مجولتيش أوديك للحكيم.
قمر بضعف مش مستهلة واكيد ده شوية برد وعيروحوا لحالهم .
فحرك رأسه مسالم لا انا قلقان جوى عليك يا قمر ومش جادر أشوفك تعبانة أكده واسكت .
_ أنت خابرة انى مليش غيرك فى الدنيا دى ولازم أطمن عليك .
قمر متقلقش نفسك انا كويسة وهنام بس شوى وهقوم زى الفل .
مسالم لا أنت مش عچبانى بقالك كام يوم ووشك أصفر ودبلان .
_ بصى انا مش هرتاح غير لما أعرف مالك وعشان أكده أنا عخبط على الست الدكتورة اللى چمبنا تيچى تشوف فيه ايه وتطمنا .
قمر بس الوقت متأخر جوى يا مسالم ده الفچر على آذان .
مسالم لا ديما أسمعها فى الوقت ده عتصحى ولادها عشان المدارس .
هروح أخبط عليها .
ثم ذهب مسالم ووقف أمام شقتها ثم طرق الباب وتراجع للوراء فى خجل فأسرعت صفاء لإرتداء إسدالها سريعا لتعلم من يطرق الباب فى ذلك الوقت المتأخر وعندما رأت أنه جارها مسالم فتحت الباب وظهر على وجهها القلق مرددة مسالم خير فيه ايه  
مسالم بحرج آسف يا ست الدكتورة بس مرتى قمر تعبانة شوى وكنت عايزك تشوفى مالها وتطمنينى عشان جلبى مشغول عليها جوى .
فابتسمت صفاء مردفة حاضر ثوانى أجيب شنطتى وجاية وراك .
لتفعل ما أرادت ثم ولجت إلى قمر 
_ خير يا ست قمر مالك 
قمر بخجل وصفت لها ما تعانيه فابتسمت صفاء مرددة أكده .
طيب خلينا نشوف .
فوضعت سماعتها على قلب قمر لتبتسم بفرحة عندما سمعت صوت دقات قلب مختلفة .
لتتأكد أن قمر حامل وقلب جنينها ينبض بالحياة .
صفاء ببشاشة وجه ألف مبروك يا قمر الف مبروك يا مسالم مرتك حامل .
فتعلق نظر مسالم بعين قمر فى فرحة لا تستطيع الكلمات أن توصفها.
مسالم بجد يا دكتورة 
صفاء ايوه بچد وفى شهرها التانى على ما أظن ويلا من بكرة تاخدها وتابع عند دكتورة نساء عشان توصيها على نفسها والجنين وتتطمن أنت عليها .
ها نفسك فى ايه اكيد ولد صوح 
كل الصعايدة عيحبوا الولاد !
مسالم لا عتصدجينى لو جولت نفسى فى بنت تكون شبه قمر أكده وفى حنيتها .
عشان أنا اتحرمت من امى بدرى وعايز بت تكون فى حنية أمى .
وعايز أسميها كمان شمس عشان أكده أكون جمعت فى بيتى الشمس والقمر مع بعض.
فضحكت صفاء مرددة واكده انت الوحيد اللى تعيش فى النور عشان عندك الشمس والقمر واحنا لأ عاد .
فضحك مسالم وأجابها كيف ده ده حضرتك النور كله .
صفاء بإمتنان تعيش يا مسالم وربنا يجومها بالسلامة .
ثم اسنتأذنت للعودة لبيتها .
أوصلها مسالم  إلى