قرطفى الملوخية يا خالتى

_قرايبنا كان كل ماحد يشوفك منهم يقول دى بقى عروسة ابنى والتانيه ترد عليها تقولها لا دى عروسة ابنى انا حضرة الظابط

_بيحجزونى يعنى

_اه يعنى

"قومت من مكانى و وقفت جمبها "
_هاتى عنك انا هطبخ كله ماتتعبيش نفسك انتى

_خدى، شكلك عرفتى قيمة نفسك

_عرفتها ياست الكل ، اقولك احنا نطفى على الاكل كدا كدا هرفض المهندس الزراعى هو انا مجنونه اتجوز مزارع

_جدعه ، امشى ورا خالتك تكسبى

_فى ضهرك ياخالتى ، لازقه فيكى 
"شديت كرسى من جمب الطرابيزه وقعدت جمبها"

_طب ولما فى عرسان جميله وتفتح القلب كدا ماحدش قالى عليهم ليه

_كنتى صغيره بقى ومش عاوزين نفتح عينك

_ياريتكم فتحتوها 
بس يلا الحمدلله ، ها احكيلى بقى عن كل عريس فيهم وانا اختار  ، ابدأى ب معتز عشان مانسيبهوش بيعيط من غيرى كتير

_معتز ده بقى زى القمر طول اى وعرض اى وحلاوة اى وعنده دقن من الانتى بتحبيها على فكرة

_اى دا الله بس ياخالتى عيب كلمينى عن اخلاقه

_ماشاء الله متدين وعلى خلق ومش بيعلى صوته على امه

_ماشاء الله

_ولا مراته و..

_نعم !

_وكمان..

_مراته انتى قولتى مراته

_اه مراته دى بقى زى القمر أدب اى واخلاق اى

_انتى بتحكيلى عن واحد متجوز

_مش انتى ال طلبتى

_انتى مش قولتى بيحبنى هو لحق يحب غيرى

_يييه ماهو اتجوز من زمان انتى عوزاه يستناكى كل ده

_خلاص بقى عوضى على الله ، الحمدلله لسه معانا ياسين وحضرة الظابط وكام واحده من الكانو عايزينى لعيالهم

_ما خلاص بقى ما انتو كبرتو والتجوز اتجوز والخطب والسافر

_كبرنا!

"مسكت خدودى"
_اه ماشاء الله ، وبقيتى عروسه تجننى

_يعنى احنا كنا صغيرين وقت قراية الفاتحه والحجوزات دى

_من وانتى فى اللفه وكل ال يشوفك يقول الله اى الحلاوة دى الله اى الجمال ده

_اللفه !

_من يومك وانتى زى القمر

_يعنى كل الفات ده كان نفخ بس ومافيش عريس ولا حاجه

_برضو هترجع تقولى نفخ

_مش قادرة افكر

_اكيد طبعا رجعتك لعقلك وهتفكرى صح

_حرام عليكى ، هو انا مش بصعب عليكى ، هو انتى مش عوزانى اتجوز

_تتجوزى طبعا ، بس حد حلو زيك كدا

_اه وطبعا الزى خلصو من زمان وانا عمله نادرة وخسارة فيهم كلهم صح

_صح ياقلب خالتك

_تمام اوى لحد كدا، قومى بقى ياخالتى ولعى على الأكل ال انا طفيت عليه ده عشان يلحق يستوى قبل ماجوزى المهندس الزراعى يوصل

_لا انتى كدا بقى اتجننتى

_قومى ياخالتى

_مش هشترك معاكى فى الچريمة الفظيعة دى هتدمرى نفسك كدا ياحبيبتى

_انا مش هرد ، انا هقطف ملوخية ، قطفى ياخالتى

#رحمه_علاء
#اسكريبت_بلا_هدف

الجديد عندى.❤️