هى انقى من أن اعصى الله فيها بقلم الست نور
لو كنت أقدر أساعدك كنت ساعدتك .
باستهزاء صاحبك.. لأ ولا يهمك .
كان قفل التليفون وأنا بعدت عنه علشان ميعرفش إني سمعته .
لو سمحتي.
اتفضل .
كنت محتاج أصلي ومش عارف أصلي فين .
أشارت له بيدها فيه هنا مسجد هو خاص بالمستشفى .
تمام شكرا .
اتوضيت ودخلت أصلي ركعتين لله هو الوحيد إلا بأيده يساعدني ويحللي مشكلتي يعني هو ممكن يكون قفل أبواب الصحاب والأهل ف وشي علشان ألجأ لباب رحمته هو .
دخلت بسرعه ي أستاذ ي أستاذ الدكتور بيدور عليك علشان تمضي ع إقرار موافقتك ع عملية والدتك .
السلام عليكم ورحمة الله وبركاته.. السلام عليكم ورحمة الله.
فلوس العملية اتدفعت مفاضلش إلا موافقة حضرتك .
اتدفعت ! طب ومين إلا دفعها
خرجت أجري زي المچنون مش مصدق إنها خلاص اتحلت وفرجت وأمي هتعمل العملية.
مش عارف أشكرك إزاي ي مصطفى .
مفيش بينا شكر يصاحبي وأنا أسف لو كنت خذلتك ف الوقت إلا أنت جريت عليا أول واحد تطلب منه مساعده
حضنه ربنا يخليك ليا يغالي.
ويحفظلنا خالتي أم حسن يارب يصاحبي.
ابتسم آمين .
دخل طب يشباب حمدلله ع سلامة والدتك ي حسن وهستأذن أنا علشان هرجع للشركه وأنت اعتبر النهارده أجازه وخد أسبوع كمان تهتم بوالدتك ومرتبك شغال عادي.
مش عارف أشكرك إزاي ي أستاذ معاذ بس جميلك ده ع راسي.
ع فكرة ي حسن لما أنا جيت لقيته واقف مع الدكتور وكان لسه بيمد ايده بشيك وهيدفع حق العملية.
بس هو جه وكان جايب الفلوس وأصر يدفع لأنه مكانش عاوز يخيب ظنك فيه .
مش عارف أقولكم أي يجماعه والله بس فعلا من لجأ لله سخر له عباده لقضاء حاجته .
____________________________
بقلم الست نور
حاضر ي ماما.
السلام عليكم ازيك ي أم مريم.
وعليكم السلام ورحمة الله وبركاته تعالي ي أم معاذ .
دي صنية مكرونه البشاميل وصنية بسبوسه عمايل أيدي .
تعبتي ليه نفسك بس
كتر خيرك ي أم مريم إن كل يوم جمعه العزومه بتاعة العيلة عندك ودي حاجه بسيطه .
إحنا أهل ومفيش بينا فرق ي أم معاذ .
بعد مرور ساعه
أومال فين مريم
أنا هنا ي جدو .
تعالي ي قلب جدو اقعدي جنبي .
حاضر .
يلا بسم الله.
كلهم ف صوت واحد بسم الله الرحمن الرحيم.
النهارده الإمام عجبني أوي ف الخطبه بتاعته.
عندك حق ي أبويا وكانت مفيده .
أيوة ي أبو مريم وموضوع إنه يتكلم عن المرافق العامه ده كان مفيد الناس مبقتش تهتم بالمرافق العامه وكل واحد بيقول يلا نفسي وبيستخدموها استخدام غير سوي.
استغليت إن جدو بيتكلم مع عمو وبابا ومديت أيدي أسحب طبق المخلل .
سحبه مني رايحه فين
هاا .. لأ أنا كنت بقربهولك علشان تاكل منه .
رفع حاجبه والله ! طب ياستي أنا مش باكله ف وجودك أصلا.
ابتسمت بسماجه طب عاوزه واحده بس أحدق بيها .
لأ .
كزيت ع سناني انجز ي معاذ قبل ما بابا ياخد باله .
ولو تعبتي والحساسيه قامت عليكي
لأ دي واحده مش هتأثر .
لأ برضو .
بضيق تمام .
قايمه فين ي مريم ي بنتي أنتي مكملتيش أكلك!
مفيش ي جدو شبعت يلا عن إذنكم هروح أعملكم شاي.
فاكر نفسه مين ده ! ويسحب طبق المخلل ليه أصلا أي الرخامه دي ! مشفتش أرخم منك حقيقي ي معاذ.
امسكي.
نعم !
بيتزا علشان مأكلتيش ع الغدا .
بفرحه قول والله .
ابتسم والله .
تسلم ي أحلى أخ ف الدنيا.
نعم ياختي أخ!
ايه !
بضيق لأ مفيش كليها وعاوزك تخلصيها كلها.
هو أنا قولت إن معاذ
