يعنى ايه مبتخلفيش بقلم صفيه المالكي

موجود... بس ي حبيبتي اهدي.. 
. فضل يقرأ أيات من القرآن ويمسح علي راسي لحد ما هديت. 
_ ممكن تحكيلي في اي 
انا عاوزه اكون ام 
_ تاني ي ملاك احنا مش قولنا نصبر علي قضاء ربنا ونرضي 
انا صابره ومش معترضه بس انت ذنبك اي 
_ ي ستي انا راضي 
متقولش كدا عشان صعبت عليك 
_ اكيد انا متجوزتكيش عشان صعبانه عليا. هو انا كنت اعرفك اصلا. بلاش تفكيرك دا انا كنت عارف ووافقت 
. ضميته اكتر وسكت. معنديش طاقه اني اجادل معاه بس انا عندي امل كبير في ربنا.
حمدالله عالسلامه احضرلك الغدا 
_ الله يسلمك. مالك 
سلامتك احضرلك الغدا 
_ ملاك انا قولت مالك 
مفيش ي ادم قولت 
_ عشان موضوع الخلفه ي ملاك 
بصتله بصه كلها حزن ودموع وسكت 
_ ممكن تبطلي تفكير في الموضوع دا 
ابطل ازاي. طبعا ما انت مش حاسس بيا. انت قدام اهلك البطل اللي رضي بوحده معيوبه ومش بتخ...... 
_ ملااااااك. اوعي اسمعك تقولي الكلام دا تاني. مفهوم. 
. اټخضيت من اسلوبو بس الظاهر اني زودتها. سابني ودخل الاوضه فضلت شويه استغفر ربنا. لحد ما هديت ودخلتلو
ادم انا اسفه 
_ محصلش حاجه 
والله ڠصب عني. انا اسفه
_ محصلش حاجه ي ملاك اتفضلي دلوقتي 
مش هتاكل طاب 
_ مش جعان 
. بدات اتكلم بدموع وعيطت. 
_ بټعيطي ليه 
انا مش عاوزك تفضل زعلان مني ولو نمت وانت زعلان مني ربنا هيغضب عليا 
. ابتسم. واتنهد _ مش زعلان ي حبيبتي 
انا مكنش قصدي اتكلم كدا والله 
_ عارفه انا كنت مدايق جدا بس دلوقتي انا فخور بيكي. پتخافي ربنا ومش عاوزه تزعليه. انا مبسوط بيكي بجد 
ابتسمت بكسوف الاكل برد 
_ طب يلا لاحسن انا جعان
ي ادم الله يهديك 
_ انا قولت لا 
افهمني بس انا هروح اكشف يمكن فيه امل 
_ وافرضي محصلش نصيب. انا عارف نفسيتك هتبقي عامله ازاي 
ي ادم بقا
_ بس ي حبيبتي الله يهديكي 
بدموع انا متأكده ان في امل. والله الدكتوره قالتلي لما كشفت قبل كدا 
. اتنهد بضيق عشان عارف اني قصدي في فتره جوازي من احمد. 
اتكلم _ قومي البسي قدامك خمس دقايق 
سقفت بفرحه بجد شكرا شكرا 
_ هغير رايي
انا خلاص لبست اهو 
. لبست ونزلنا كان قلقان بس انا متأكده انو كان قلقان عشاني
الممرضه مدام ملاك تقدري تدخلي. 
كنت لسه هتحرك من مكاني مسك ايدي واتكلم_ انا مش ناقصني حاجه انا كفايا عليا انتي انا احترمت رغبتك وجيت بس لو حصل حاجه اعرفي ان ربنا لسه مقدرش