الدنيا تلاهى بقلم ريم خالد
قاعده جنبي وتقريبا بتكلم حبيبها أو خطيبها انا مش فضوليه خالص علفكرا بس هي اللي صوتها كان عالي اسد وداني انا يعني
_ يعني اي هتسبني عشان بنت لسه عارفها من شهر وانا وانت بقالنا سنتين وانا مستنياك وبقول ظروفه صعبة ومش هتعرف تيجي تتقدملي دي اخرتها!
البنت كانت بتتكلم بعياط وقهرة كانت باينه في صوتها وجعتني ووجعت قلبي وللاسف الشاب قفل في وشها السكه من غير حتي ما يرد عليها
لقيت البنت اترمت في حضڼي وكأنها كانت مستنيه حد يطبطب عليها أخدتها في حضڼي وفضلت أهديها لحد ما وصلت لمكاني اللي لازم انزل عنده ..
قولتلها وانا بستعد عشان انزل _ صدقيني ربنا شايلك الخير مع شخص تاني احمدي ربنا ..
نزلت من الاتوبيس وانا في بالي انا كمان ممكن ابقي شخصيه سامه بين عمر وحبيبته اني اكلم عمر واقرب منه غلط هو بيحب عنده حبيبه في بينهم احلام بيبنوها مع بعض انا مش هقدر اهدمها ولا هقدر اكسر قلبها انا مش هقبل وبالذات أن بدأ يبقي في مشاعر انجذاب من ناحيتي ليه انا غلطت ولازم ابعد
_ اتفضل فلوسك...
اتخض وبصلي _ الناس بتقول مساء الخير مش اتفضل فلوسك ...
اتكلمت بحده_ انا قبضت ورجعتلك فلوسك ياريت تاخدها زي ما وعدتني انك تأخدهم...
_لا انا كويسه الحمدلله اتفضل لو سمحت فلوسك ...
كنت بتكلم وانا بحاول مبصلوش وهو كان مستغرب اسلوبي وحدتي اللي بتكلم بيها واخد الفلوس بهدوء
دخلت وفضلت قاعده مكنتش عارفه انام عقلك لما يتحكم فيك يحلف أنه مش هيحلك خلاص غير لما ينكد عليك
تاني يوم الصبح بقفل باب شقتي ومردتش ادخل البلكونه عشان مشوفوش أو يواجهني تاني لقيته قدامي لابس لبس البيت باين عليه مرحش الشغل اصلا وساند علي الترابزين بتاع السلم لما شافني اتعدل
بصيت عليه وكنت بحاول مضحكش وفعلا حاولت امشي و اتجاهله بس لقيته وقف قدامي
وقالي بهدوء _ مالك هو أنا عملت حاجه ولا دي هرمونات وهتروح لحالها!!
رديت عليه ببرود_ لو سمحت سيبني انزل انا متأخرة..
_بصيتله بهدوء_ بقولك ايه ما تروح تكلم حبيبتك ..
_ بصلي باستغراب وسألني بخبث _ هو دا اللي مغيرك!
_ رديت عليه بهدوء _ استاذ عمر انا وانت مينفعش نتكلم لازم نحترم حبيبتك وان ممكن يحصل مشكله بسببي وانا عمري ما هقبل اني اكون طرف في مشكله بينك وبينها وبعدين طلاما عايز حد تتكلم معاه اوي كدا روح اتكلم معاها
