إسكريبت بقلم ايمان شلبى

اكبر
في حد يعمل كده في بنات الناس!
بصلي وابتسم بسخريه
هه بنات الناس 
اللي حضرتك بتتكلم عنها دي خطيبتي وفرحنا بعد شهر وجايه تقولي انها مش عايزه تكمل بدون اي أسباب واضحه ياتري لو مكاني هتعمل ايه!!!!
هحترم قرارها حتي لو كان فرحنا بكره مش هتعامل بالهمجيه اللي حضرتك اتعاملت بيها لأنها بني آدمه وليها حق الاختيار
حق اختيار ايه يامعلم هو انا متقدملها 
بقولك انا خطيبها
اتنهد وحط أيده علي كتفه لكن المره دي بهدوء ولين
يابني آدم افهم مانت اكيد عملت حاجه خلتها تتقفل منك ...حبيب اخوك التعامل مش بالطريقه ديه الرسول عليه افضل الصلاه والسلام وصانا وقال استوصوا بالنساء خيرا اتكلم معاها بهدوء وحاول تفهمها وتفهم أسبابها جايز تقدر تغير من نفسك وتخليها تتراجع عن قرارها!
اخد نفس عميق وبصلي بنظره كلها عتاب وانا واقفه ببصله بدموع 
عجبك كده اللي انتي عملتيه ده خليتي الناس كلها تتفرج علينا
مسحت دموعي وقلعت دبلتي ورميتها في وشه 
انا مش عايزه اشوف وشك تاني
سيبها تمشي
طلعت اجري من الكافيه وانا مش شايفه قدامي من الدموع
وقفت بعد جري ربع ساعه بالتقريب
قعدت علي اقرب كرسي قابلني من التعب وفضلت اعيط بصوت مسموع لدرجه الناس كلها كانت بتبص عليا!
لكن في الحقيقه مهتمتش بحد!
تسمحيلي اتكلم معاكي شويه
لفيت راسي لقيته نفس الشاب اللي كان بيدافع عني
رديت بصوت مبحوح 
اتفضل 
انا طبعا مش من حقي اعرف سبب قرارك لكن خطيبك من حقه يعرف السبب 
رديت بعصبيه
هو عارف السبب كويس اوي 
لا هو فعلا مش عارف ومحتار جدا 
لا عارف بس بيستعبط 
تسمحيلي أسألك ايه السبب
السبب أن مش هو ده اللي هيسندني لما اقع مره تانيه
رفع حاجبه باستغراب 
مش فاهم
اخدت نفس عميق وبصيت قدامي وانا بحكي كل اللي حاسه بيه من غير خوف أو كسوف
ببساطه عرفت ان مش محسن الشخص اللي هجري عليه وقت احتياجي وهلاقي أيده ممدوده!
بابا ماټ من حوالي أربع شهور ودخلت في حاله اكتئاب ولا مره لقيته جنبي علي الاقل بيحاول يهون عليا
كل مره كان يجي يشوفني تقضيه واجب خمس دقائق ويمشي لانه زهق مني ومن شكلي وعياطي المتواصل
بصيتله بتساؤل
مش المفروض اللي بيحب حد بيفضل معاه في كل حالاته
هز رأسه بهدوء 
اكيد 
كنت متوقعه أن كل الناس هتتخلي عني إلا هو لكن خيب كل املي وبقيت لوحدي
هل ده مش سبب كافي عشان اسيبه!
لا سبب كافي ومحدش يقدر يلومك 
البنت بتختار الشخص اللي هتكمل معاه حياتها لما تحس معاه بأمان وتبقي واثقه ومتأكده انها لو وقعت في يوم هتلاقيه في ظهرها بيسندها ويدعمها عشان تقوم من تاني
وانا ملقتش ده في محسن واكتشفت أنه سطحي وعمره ما حبني زي ما بيقول تعرف !
انا وزني زاد لما تعبت وهو مش قادر يتقبل شكلي وبيجبرني اخس عشان شكلنا قدام الناس يوم الفرح ومش فارق معاه
حتي نفسيتي اللي تعبانه 
كنت متوقعه يرجعلي ثقتي في نفسي اللي اتهزت لكن للاسف حصل اسوء مما اتخيل
ابتسم وبصلي بحزن
كنت جاي اقنعك ترجعي عن قرارك لانه شكله بيحبك بس بعد اللي سمعته منك انا اللي بقولك اوعي تفكري تكملي مع شخص زي ده
هزيت راسي وانا بتنهد تنهيده طويله وقومت من مكاني وبصيتله بأمتنان
شكرا انك سمعتني واكدتلي أن قراري صح
هز رأسه بابتسامه لطيفه برزت الغمازه اللي علي خده اليمين ورد 
ربنا يوفقك ويريح قلبك 
عن اذنك
تقييي
وقفت مكاني اول ما سمعت صوت محسن وفجأه حسيت رجلي بتتهز وقلبي بيدق پخوف مش طبيعي وكأني سمعت صوت شبح!
شدني من دراعي وبصلي بعيون بتلمع بالشړ 
لو فاكره انك هتقدري تلغي الفرح تبقي بتحلمي ولو....
لو فاكر انت انك تقدر تجبرها انها تتجوزك تبقي بتحلم يا استاذ محسن
بصله محسن وهو بيبتسم بسخريه 
ايه ياكابتن حبيت خطيبتي اللي كنت جاي تصلح ما بيني انا وهي ولا ايه!!
بص في عيونه ورد بهدوء مريب
وعرضت عليها الجواز كمان وهي موافقه مش كده يا تقي
إيمان_شلبي