المسيح الدجال

 
ناس كتير فاكرة إن المسيح الدجال كائن غريب و عنده عين واحدة في نص راسه و شكله مرعب والحقيقة إنه مش كده خالص هو حد عادي جدا زينا بني آدم طبيعي
بس الرسول عليه السلام استفاض في ذكر وصفه اكتر من أي رسول تاني وبالمناسبة كل الرسل نبهوا أقوامهم من المسيح الدجال عشان فتنته هي أكبر فتنة هتحصل على الأرض وهنعرف ليه ..

أول حاجه اسمه المسيح عشان حاجتين انه عنده عين ممسوحة بمعنى انها مغمضة كده شوية الرسول وصفها أكنها عنبة طافية يعني زي الزبيبة بسبب ان المية اللي فيها مش موجودة 
وتاني حاجه عشانه هيمسح الأرض كلها في ٤٠ يوم 
 

اليوم الأول فيه أكنه سنة في الطول واليوم التاني أكنه شهر واليوم التالت أكنه أسبوع و بقية الأيام زي أيامنا العادية هيوصل لكل حتة في الأرض هيكون راكب دابة الرسول قال إنه حمار بس شكله غريب جدا عمر ما حد شافه ما بين ودانه بس ٤٠ ذراع حاجه ضخمة جدا يعني ..

شاب مش عجوز لون بشرته بيضا مايلة للأحمر شعره كثيف جدا و خشن جدا جدا قصير بس جسمه عظيم بمعنى انه عريض جدا و مليان و في تباعد بين رجليه واضح .
وأهم نقطة هيبقى مكتوب بين عينيه كافر ك ف ر و من حكمة ربنا هيقرأها كل مؤمن سواء بيعرف يقرأ او جاهل .
ليه بقى هو فتنة عظيمة كده عشان هيقول إنه هو ربنا و هيعمل حاجات فعلا مايقدرش يعملها إلا ربنا بس احنا مؤمنين طبعا ان ده كله تحت مشيئته سبحانه
هيمشي معاه نهرين واحد أكنه جنة مية جميلة جدا و واحد ڼار ملتهبة جدا الرسول قال انهم العكس جنته ڼار و ناره جنة ووصانا لو اتعرضنا ليه وقالنا