انت عمرى بقلم ايمان صالح

وانا مبسوطه كنت هدخل بس خالتي وقفتني 
_اومال حازم فين مش كان معاكي وجابك
_وانتي عرفتي منين انه كان معايا يا خالتي 
_يا بت يعني هو هيسيبك تروحي مكان لوحدك 
_طيب انا عايزه اكل يا خالتي 
_الاكل في المطبخ ادخلي جهزي الاكل و كلي
هزيت راسي ودخلت المطبخ جهزت الاكل وطلعت 
_اومال امل و احمد فين عشان ياكلوا معايا 
_لا دول كلوا من بدري كلي انتي هما ناموا 
_وانتي مش هتاكلي معايا 
_لا انا كلت 
_يعني انا كده هاكل لوحدي 
_لا هاكل معاكي انا
بصيت عليه كان جه وهو مبتسم خد الصينيه وحطها وبدأنا ناكل قطع الصمت صوت خالتي 
_تعرفي يا روان مين جالي النهارده 
_مين يا خالتي 
_ام مالك جارتنا زمان جات واتكلمت معايا شويه 
_غريبه ايه فكرها بينا يعني
بصت لحازم وبعدها بصتلي_اصلها جت تطلب ايدك مني ل مالك ابنها
برقت و حازم شرق وشرب مياه 
_فيه حد يخض حد كده يا ماما 
_وانا عملت حاجه انا بقول طلبت ايد روان 
_قوليلها معندناش بنات للجواز يا ماما انا قولت ل ابنها كده وهو مفهمش
اتكلمت بخبث_مين قال كده امال روان ايه ما هي قمر اهي احلي عروسه ومتخرجه كمان ولا ايه رايك يا روان
_هه اللي تشوفيه يا خالتي 
برقلي_ايه ده انتي موافقه عليه 
اتوترت _ايه يعني لما أقابله واتكلم معاه يا حازم 
_تتكلمي معاه !مين قالك اصلا اني هسيبك تتكلمي معاه 
_واي يعني أظن ده حقي اني اقعد مع الانسان اللي هرتبط بيه 
_وكمان ترتبطي بيه !انا قايم
اتعصب وساب الاكل وقام وانا ببص عليه بذهولبس انا لازم اعمل كده كفايه عليهم اوي مسؤوليه كل السنين الفاتت أن الاون أشيل عنهم المسؤوليه دي !
ايمان_صالح
شلت الاكل ودخلت انام وتاني يوم كنا قاعدين بنفطر و حازم لابس ونازل 
_انت رايح فين يا حازم 
اتكلم بضيق ووشه مرهق_نازل الشغل يا امي 
_طيب أفطر معانا الاول 
_لا يا ماما انا نازل
بص عليا وعيوني جت في عيونه وبصلي بلوم وضيق!
_مالك جاي النهارده هو و مامته عشان تتعرفي عليه
بصيت عليه وانا مستغربه ماله ده فيه ايه 
خالتي اتكلمت _جهزي نفسك يا روان النهارده لحد ما يجوا بليل إن شاءالله
_انتي كنتي عارفه يا خالتي 
انتهدت_ايوه حازم كلمهم قدامي يا روان
فضلت طول اليوم وانا بفكر يا تري انا متلخبطه كده ليه وزعلانه ليه ايه يعني لما اقعد معاه هعمل الصح عشان هما كمان من حقهم المسؤوليه تقل شويه !
جه الليل لبست و امل بنت خالتي دخلت عليا وهي بتخبط علي الباب وبتغني 
_هييه عندنا عروسه حلوه و زي القمر 
ضحكت وحضنتها _والله ما فيه قمر غيرك 
_لا بس ايه الشياكه دي كلها 
_اقل حاجه عندي يا بنتي 
_وكمان العريس شيك جدا هحسدك عليه 
ضحكت _بطلوا قر بقي
خالتي دخلت علينا _بطلوا ضحك انتي وهي وانتي يلا العريس بره هو وأمه
طلعت معاها وانا متوتره وخاېفه دخلت وسلمت علي مامته وقعدت معاهم وشويه وسابونا لوحدنا كنت قاعده متوتره وبفرك في أيدي سمعت صوته بيحمحم رفعت راسي واستغربت 
_هو انت 
ابتسم _ايوه اللي طلبت منك رقم ولي امرك 
_انت مالك ازاي شكلك اتغيرت 
_للأحسن اكيد
اتحرجت فهو ضحك 
_اتكلم في المهم انا مالك وعندي 27سنه شغال في شركه و ...
قعد يتكلم كتير وانا كنت سرحانه وببص علي حازم واقف قدام الاوضه بلوم وزعل وانا مركزه معاه يا تري زعلان ليه بس اكيد الشغل يعني فوقت علي صوت مالك 
_ها بقي كلميني عن نفسك ولا انتي مش بتتكلمي
كان بيتكلم وبيضحك وانا قولتله علي سني و مؤهلي وفجاه دخل حازم علينا 
_مش كفايه كده ولا ايه 
_اه فعلا كفايه مع أن القاعده معاها مش بتتشبع منها 
_نعم !
_انا كده هستني الرد من