انت عمرى بقلم ايمان صالح

الانسه روان بعد اذنكم
طلع هو ومامته وحازم بصلي بعصبيه 
_مش بيتشبع منك ها 
_والله هو انا اللي قولت هو اللي قال 
_ويا تري قال ايه تاني 
ارتبكت _ولا حاجه انا داخله
دخلت الاوضه وانا متوتره وخاېفه وقلبي بيدق پعنف وخوف مالك باين عليه شخص كويس وانا لازم اتجوز عشان ابعد مسؤوليتي عنهم حازم دايما معايا زي ما واقف مع امل أخته و احمد اخوه وبيخاف عليا زيهم كفايه عليه كده .
خالتي تاني يوم دخلت وكلمتني وخدت رأي وانا وافقت مع اني حاسه پخوف بس اي عروسه پتخاف طبيعي عدي يومين و امل و احمد واقفين معايا بنجهز لتجهيزات الخطوبه و حازم مش بشوفه خالص دايما مختفي وجه اليوم يوم خطوبتي قومت من النوم ودخلت الحمام و طلعت بصيت لقيت حازم في وشي تحت عيونه اسود و مرهق جدا وشكله مختلف زي ما يكون بقاله فتره مش بينام!
_حازم انت كويس 
_كويس
كلمه باقتضاب ودخل الحمام من غير ولا كلمه بعدها وانا مش مستوعبه اصلا حصله ايه !
طول اليوم بنجهز لترتيبات الخطوبه وجه الليل وكنت جهزت وأمل كانت بتساعدني بعد ما خلصت حضنتني وعيطت 
_مش مصدقه نفسي خلاص هتتجوزي وتبعدي عني أنا مصدقت بقي ليا اخت انتي عوضتيني عن اختي اللي مش موجوده يا روان انتي عمرك ما حسستيني اني ماليش اخت انتي دايما واقفه معايا اختي وصاحبتي اللي مليش غيرها
خرجتها من حضڼي وانا بحاول معيطش انا بحبها اوي 
_خلاص يا امل دي خطوبه هو انتي شوفيني مشيت وبعدين اسكتي بقي عشان مبوظش الميك اب ينفع اطلعلهم غوريله يعني 
_اه اطلعيلهم حتي يمشي انا مش عايزاه ياخدك مننا 
_مش هياخدني ولا حاجه انا معاكي دايما يا عبيطه انتي اختي وصاحبتي و اغلي ما ليا والله انتي اللي عوضتيني عن كل حاجه مفتقدها ومستحيل انساكي دايما معاكي يا امل
مسحت دموعها ودخلت الحمام وانا طلعت كانت تجهيزات الخطوبه خلصت و العريس مستني و المعازيم كمان طلعت وحازم كان ماسك ايدي وبصلي وعيونه فيها كلام كتير مش عارفه افسرهمالك قرب مني بابتسامه ومد أيده يمسك ايدي منه حازم كان ماسك ايدي جامد ومش راضي يسبني بصتله قوي وسحبت ايدي وابتسمت ل مالك ومسك ايدي  وقعدني جنبه وبعدها حازم دخل واختفي!
طول الخطوبه كان احمد و امل واقفين معايا و حازم كان مختفي تماما .
مالك كان بيتكلم وبيضحك وانا اصلا مش مركزه معاه كل تفكيري يا تري حازم فين معقول سابني يوم خطوبتي ومشي اكتر وقت كنت محتاجه يكون جنبي الظاهر فعلا اني بقيت مسؤوليه كبيره و قراري صح .
الخطوبه خلصت و حازم مكنش رجع غيرت هدومي و قعدنا كنا مستنين انه يرجع وخايفين عليه يا تري راح فين
خالتي كلمته واطمنت عليه ودخلوا وانا كنت ندخل بس موبايلي رن رديت 
_ايوه يا روان انا مالك 
_مالك !انت جبت رقمي منين 
_خدته من أمل المهم وحشتيني 
_لحقت اوحشك انت لسه ماشي من عندنا 
_ايه يعني يا ستي وحشتيني خطبتي وحشتيني اي المانع 
_لا مفيش مانع 
_انت منمتيش دلوقتي ليه 
_كنت هنام بس حازم لسه مجاش من بره وخاېفه عليه 
_حازم !امممم لا متقلقيش عليه روحي نامي انتي 
_لا هستناه يرجع الاول 
اتعصب _ايه ده اللي تستنيه ادخلي نامي مش كل اللي في البيت نام يبقي تستنيه انتي ليه 
_انت مالك ما استناه براحتي حازم اخويا اللي مربيني انت ايه مزعلك كده 
حاول يهدي نفسه _لا مش زعلان بس انا بغير عليكي مش اكتر 
_بتغير !طيب ماشي انا هدخل انام سلام 
_سلام يا