شافنى بقولك

كمان.
اللي هو ياي هو فيه حد مابيصومش في الحيض إنت أوڤر أوي ما إنت صوتك مجلجل أهو صحيح إنك طفسة ومابتصدقي تاكلي الأخضر واليابس.
و هتحصل فتنة و ما أدراكي بكيد النسا!
و تالت وأهم حاجة وهي إن ربنا عليم بإن حتى لو ضغطتي على نفسك و صمتي فإنت كدة بټأذي بدنك فمن كرمه عليكي كرمك بالرخصة دي .
فتيجي إنت بعد كل ده تقوليلي لأ أنا مش هفطر!
خدي بالك إنت كدة بتتعدي حدود الله وبتكوني آثمة
يعني أوعي تفتكري إنك هتاخدي ثواب الصيام!
أو مثلا تقولي لأ أنا هشربلي بق ماية وخلاص .
أو تفضلي صايمة لآخر اليوم وتيجي تاكلي تمرة قبل الآذان ده لو أكلتيها يعني !
عايزك تستوعبي إن ده حرام 
لأن ده برضو شكل من أشكال الإعتراض على حكمة وأمر ربنا .
هتيجي تقوليلي نفسيتي مش متقبلة 
هقولك كلي بنية إنك بترضي الله عز جلاله و بتطيعي أوامره .
هتقوليلي ماليش نفس هقولك مثال صغير
لو حد عطاكي هدية وإنت مش عايزاها بس قبلتيها منه علشان ماتكسفيهوش و كجبر خاطر .
أو مثلا حد من أهلك عطاكي حاجة و أوصاكي تستخدميها وإنت مالكيش رغبة في استخدامها بس من إلحاحه عليكي وافقتي علشان ماتزعليهوش!
تخيلي بقى إن الأمر ده مش من حد دي هدية موضوعة على هيئة أمر رباني الله بعزته وجلالة مقدملك رخصة علشان تستخدميها بإرياحية تيجي إنت وتقولي ماليش نفس!
تحدثت بإنكار ممتزج بخجل قائلة
_ بس يعني فيه حديث بيقول إذا ابتليتم فاستتروا.
عارضها بإبتسامة هادئة قائلة
_ أولا يا ملك ده مش حديث ده تفسير لحديث بيتكلم عن ستر المؤمن لنفسه و إن مايفضحش نفسه ويجهر بالمعصية.
والحيض عمره ما كان معصية! 
دي طبيعة بشړية ربنا أكرم بيها نساء الأرض أجمعين ف ده مش بينطبق تحت التستر من المعصية أصلا!
بمعنى إن مش حرام ولا حتى عيب إن البنت تاكل قصاد اللي حواليها في نهار رمضان طلاما هي في فترة العذر ولكن مش معنى كدة إنها تطلع الأكل من شنطتها وتاكل في وسط الشارع أو أو.
ليه بقى 
لأن اللي في الشارع مش عارفين إنك في فترة حيضك وأكيد مش هتعلقي يافطة فوق دماغك وتكتبي فيها ده!
ف يستحسن إنك تاكلي في مكان وسط ناس عارفة إنك في فترة حيضك زي صحابك مثلا في مكان ماحدش غيركم فيه علشان الشبهات أو مثلا تاكلي وسط أهلك عادي جدا و مش بجاحة على فكرة ولا حاجة تقل من حيائك!
لكن الجهل بقى هو إنك تمنعي نفسك من الأكل و تكتفي بنقط ماية لإنك كدة أولا بتخالفي أوامر الله عز وجل و تاني حاجة بتضري نفسك و بټأذي صحة جسمك
أعوذ بالله من الشيطان الرجيم
ولا تلقوا بأيديكم إلى التهلكة.
مش محتاج أقولك إن حرمانك لحقك في الأكل و تغذية جسمك في الفترة دي