مطبختيش ليه
زعقتلي
اترفزت احمدي ربنا إني مضربتكيش أصلا
بزعيق كمان!! انت عامل كل دا ليه! عشان بتصرف عليا! دا واجبك على فكرة
عصبيتي زادت أنا واجبي يقتضي بإني أعيشك عيشة كويسة أجيبلك اللي نفسك فيه وأراعي ربنا فيكي ومقابل دا ألاقي منك شوية إحساس شوية اهتمام ألاقيكي بتقومي بواجباتك كزوجة ولا انتي عاملة نفسك مش شايفاها!!.. انتي.. انتي عايزة تاخدي وخلاص!! دا انتي بتستخسري تدخلي المطبخ وتتعلمي حاجة علشاني زعلانة عشان قلت هضربك!
وهو أنا عملت حاجة! لما بنتكوا ميبقاش وراها حاجة غير لبسها ومكياجها على حسابي أنا أبقى أنا اللي غلطان! لما أبقى راجع من شغلي مهدود ويبقى كل اللي عايزه هو غدا بس ودي ألاقيها قاعدة بتقولي اطلب دليفري أبقى أنا اللي باخد الدنيا قفش! خمس شهور على الحال دا وساكت وبقول ممكن حالها ينصلح بس ولا هي بتتعلم ولا شاغلة دماغها بحاجة
شفت باباها بيبصلها بلوم بس معلقتش كان هيتكلم بس هي قاطعته ووقفت..
طلقني يا أدهم
شهقت اسكتي يا سهيلة
بعياط لا مش هسكت طلقني
بزعيق ما تسكتي بقى
بزعيق لا مش هسكت أنا مش عايزاه كفاية بقى مش دي العيشة اللي أنا عايزاها مش دي.. طلقني بقى أنا زهقت
وأنا معتش عايز أستنفذ روحي معاكي أكتر من كدا يا سهيلة انتي..
قاطعتني بلهفة أدهم اهدى دا شيطان ودخل ما بينكوا جرا ايه يا أم أدهم! ما تقولي حاجة
بصيت لماما اللي كانت واخدة جنب من أول ما جم وانتظرت منها أي كلمة بصتلي بحنان وطبطبت على كتفي وبهمس..
بصيت لسهيلة بتوهان بۏجع بغيظ.. وبهدوء..
انتي طالق يا سهيلة طالق بالتلاتة!
........
أدهم!
فقت من أفكاري على صوتها بصيتلها وخدت نفس طويل مش مصدق إني قاعد قدام ندى وبتقدملها ندى اللي طول عمري شايفها زي أختي مرة واحدة بقت عروسة كبيرة أمي شافت فيها السر اللي هيصلح حالي اتنهدت وبصيت للأرض.. بحاول أجمع كلامي وأرتبه بس كله اتبخر من دماغي..
اتنهدت بصي أنا الحمد لله بصلي ومواظب على الصلاة حافظ نصف القرآن وهادي ومش عصبي أوي
بتردد يعني.. من ناحية الضړب و..
هزيت راسي بنفي مبدأ الضړب دا مرفوض بالنسبالي تماما أنا مش هتجوز واحدة وآخدها من بيت أبوها عشان أهينها وأمد إيدي عليها أنا بعرف أتحكم في نفسي لما بتعصب ممكن أكسر أي حاجة حواليا لو اتعصبت أوي بس ممدش إيدي على حد بالذات لو واحدة
بصيتلها لثواني معرفتش أفسر نظرة عنيها وبهدوء وثبات..
سهيلة كانت فترة وانتهت وكل شئ قسمة ونصيب وأتمنى لو حصل بينا نصيب منجيبش سيرتها لا بحلو ولا بوحش.. دي أعراض ناس
ابتسمت ردي هيوصلك مع بابا يا أدهم
هزيت راسي بماشي وهي وقفت بكسوف وجرت على أوضتها دماغي وقفت وأفكاري بدأت تتمرد ذكريات كتيرة بتيجي في بالي بس اللي مسيطر عليها الۏجع الغيظ.. الخذلان!
.......
بارك الله لكما وبارك عليكما وجمع بينكما في خير
مبارك
بهمس الله يبارك فيك
بصيت حواليا وثواني واندمجت مع صحابي اللي شدوني عليهم وبدأوا يحتفلوا بيا وهي اندمجت مع المعازيم وكإننا بنهرب من بعض بالناس اللي حوالينا!..
خش اقعد مع مراتك شوية
مراتي!
اتنهدت دي مش سهيلة يا أدهم دي ندى اديها فرصة واسمعها وصدقني هتدعيلي
هزيت راسي بماشي واتوجهت للبلكونة اللي ماما شاورتلي عليها طلعت ولقيتها ساندة على الترابزين وعطياني ضهرها قربت منها حطيت ايدي على كتفها فشهقت ولفتلي بسرعة..
ضيقت عنيا حاسس إني سامع الشهقة دي قبل كدا
بصتلي كتيرة ومرة واحدة ضحكت جامد فضلت تضحك ومع ضحكتها ابتسامتي وسعت عنيها اللي غمضت مع ضحكتها خطفتني ومن غير ما أفكر لقيتني بتكلم..
ضحكتك حلوة
سكتت وبصت للأرض بكسوف اتحمحمت وبصيت حواليا بتوتر و..
طب ايه!
ايه!
مش عارف
مش عارف ايه!
بحيرة هنعمل ايه!
ابتسمت وبهمس سمعته هتحبني!
........
متأخر ليه يا حبيبي!
بتعب مفيش يا ندوش المواصلات وحشة بس
أحضرلك الغدا!
هزيت راسي بماشي بإرهاق وهي دخلت المطبخ تحضر الأكل
