مطبختيش ليه

رميت نفسي على أقرب كنبة بتعب وغمضت عنيا..
اتنفضت لما حسيت ب راسي بتتحرك فلقيت ندى قاعدة وبتتكلم بخضة..
في ايه يا أدهم! اهدى
مكنتش فايق أوي شدتني بالراحة وحطت راسي على رجلها وأنا استسلمت لإيديها اللي بدأت تدلك راسي بخفة..
في ايه يا حبيبي!
بتعب زهقت اتعدلت ندى.. بصي الفترة الجاية.. من ناحية الفلوس..
كشرت ما تقول كلمتين مفهومين يا أدهم
اتنهدت أنا سيبت ورديتي التانية حصلت مشكلة و..
هزت راسها بيأس غريب وبعدين شدتني من تاني ناحيتها كشرت باستغراب و..
في ايه!
اتنهدت في إن الكلام دا مش هيأثر علينا بحاجة يا ادهم انت مرتبك الأصلي بيكفينا وبيفيض وأنا كلمتك أكتر من مرة في حوار الشغل التاني وطلبت منك تسيبه عشان متتعبش ولما رفضت بقيت أحوش الفلوس اللي بتديهالي منه على جنب عشان لو احتاجنا حاجة ف ببساطة دا مش هيأثر علينا في حاجة
سكت وأنا بستوعب كلامها بصيتلها كتير ومرة واحدة شديت ايدها بوستها وبابتسامة..
تعرفي إنك لطيفة!
ضحكت عارفة
التواضع في ذمة الله
ضحكت من تاني ضحكت وأنا سرحت في ضحكتها سكتت بعد شوية وبصتلي كنت لسة نايم على رجليها مدت ايدها التانية ل وشي وبدأت تلمس ملامحي بابتسامة مفارقتش وشها وبحب حسيته..
تعرف إني بحبك!.. طول عمري شايفاك سندي من واحنا صغيرين يا أدهم مع اننا مكناش بنطيق بعض بس أنا كنت عارفة إني لو وقعت مش هلاقي غيرك يسندني من بعد مۏت بابا كبرت ولما حسيت بإني هحبك لقيتك بتتجوز اتخنقت في بداية جوازك بس قلت أكيد ربنا شايلي الخير حتى لو كان بعيد عنه محبتش أقطع زياراتي لخالتو وكنت بجيلها وكان قلبي بيتقطع يوم ما بكون عندها وأسمعك بتتخانق مع سهيلة فاكر الشهقة! ضحكت ساعتها كنت فاتحة بطرحة بايظة وهدومي مش مترتبة مكنتش حاباك تشوفني بالشكل دا ساعتها فقمت قفلت الباب بسرعة أنا لسة مش مستوعبة اللي حصل ولا إني بقيت مراتك خلاص بعد كل دا بس.. أنا بحبك يا أدهم بحبك أوي
كنت شايف الحب في عنيها لمعة عنيها وابتسامتها اللي مختفتش مع كلامها تعبيرات وشها اللي كشرت لما جابت سيرة سهيلة كل دا لجمني اتعدلت وقربت منها شديتها لحضني من غير ما أفكر وبهمس..
فاكرة يوم كتب كتابنا!
همهمت بكسوف وأنا ابتسمت وضميتها أكتر..
فاكرة همستي بإيه آخر اليوم!
رفعت راسها وبصتلي أنفاسها زادت ولمعة عنيها بانت ابتسمت لحالتها و..
أنا شكلي حبيتك
........
يابني قوم بقى
بنعاس شوية بس يا ندى سقعان أوي
نفخت ما كلنا متلجين بس دا الفجر
بنوم خمسة بس وهصحى يا حبيبي
اتنفضت لما شدت الغطا من فوقي مرة واحدة وبنوم بصيتلها..
يا ندى
والله خمس دقايق بالظبط ولو ما لاقيتك في الحمام بتتوضى لاكون دالقة عليك إزازة الميا دي
بصيت للميا اللي جنبي ومرة واحدة لقيتني بنط على الحمام وهي واقفة مكانها بتضحك لا مسيطرة أوي يعني مفيهاش كلام!
تقبل الله
منا ومنكم
ضحكت ارتحتي كدا لما قومتينا في عز البرد دا!
ابتسمت عارف يا أدهم أنا بحب أقوم أصلي الفجر في عز البرد دا أوي كل مرة بقدر أقوم فيها من السرير وأتحدى نفسي وأقوم في البرد وأتوضى وأصلي أفتكر الحديث دا إن الله ليضحك إلى رجل قام في ليلة باردة من فراشه ولحافه ودثاره فتوضأ ثم قام إلى الصلاة فيقول الله عز وجل لملائكته ما حمل عبدي هذا على ما صنع فيقولون ربنا ! رجاء ما عندك وشفقة مما عندك فيقول فإني قد أعطيته ما رجا وأمنته مما ېخاف انت متخيل كمية البهجة اللي بتصيبني!
سرحت في عيونها لوهلة لمعة عنيها وهي بتتكلم انفعالها اللطيف وحركات ايديها كلامعا المترتب اللي بيدخل قلبي ويقنعني بوجهة نظرها أيا كانت.. كل دول كانوا كفيلين بإنهم يخلوا قلبي يدق.. وليها هي بس!
قربت منها شوية شدتها عليا وبوست راسها بثبات بحب بامتنان وبدفا..
تعرفي إنك أحلى حاجة حصلتلي في حياتي!
تعرف إنك ألطف راجل شوفته في حياتي
ضحكت يا بت خافي على برستيجي لاحسن حد يسمعك
رمت نفسها في . محدش ليه دعوة بيا جوزي حبيبي وأدلعه براحتشي
ابتسمت طب جوزك حبيبك بيحبك
بحب وأنا بعشقه!
وأصبحت محور اهتمامي فجأة ف باتت ابتسامتك قادرة على إحياء قلبي!
......