إسكريبت يا ليلى
انت في الصفحة 1 من 4 صفحات
يا ليلي مفيش خالص يوم كويس و عشره لا يوم يقف يتكلم و يفتح مواضيع و عشره سلام عليكم و عليكم السلام بس انا مش عارفه الفت نظره ازاي و ابين اكتر من كده ان بحبه و هو حمار مش بيفهم خالص شويه احس انه معجب بيا و شويه احس انه مش شايفني اصلا شوفيلي حل بقي .
_ يا بنتي هو الراجل كده انتي زوقك قرف و مختاره واحد جبله اعملك ايه .
_ اهدي بس انتي و فكري فيها هو ممكن يكون معجب بيكي بس مش جاهز انه يتقدم و انتي عارفه ياسر مش زي عيال اليومين دول مش هيقولك بحبك غير و هو جاهز و هيدخل الباب من بيته و دي حاجه حلوه اهدي بس
وجه نظر تحترم بس يقولي اي حاجه اي حاجه مش ممكن اتخطف منه انا برضو قمر و العرسان عليا كده
اه غيري مني و ۏلعي المهم دلوقتي يلا ننزل نشوف حاجه ناكلها او نطلب دليفري عشان امي مش عامله اكل انهارده و نذاكر بقي عشان امتحان بكره الي عامله المعيد الزفت ده
تاني يوم و انا رايحه الكليه قابلته في مدخل العماره
.. صباح الخير يا غرام
جيت امشي وقف قدامي و كان قريب اوي حسيت بحراره في وشي و رجعت خطوتين لورا
في ايه يا ابني
.. انتي رايحه فين بدري كده
عندي امتحان رايحه اراجع مع ليلي قبليه عايز حاجه
حسيته زعل انا برضو ردي قليل الزوق بس هو السبب
.. لا انا بطمن عليكي بس يلا good luck .
كنت هرجع و اكلمه بس هو حارق دمي علي طول يستحمل بقي خلصت الامتحان و عدي علي خير بس المعيد ده ديما بحسه غريب ديما بيبصلي بس مش بركز
يا ماما متخلي بنتك التانيه هي اللي تروح اشمعني انا
يلا يا بت من غير رغي
لبست الاسدال و كان شكلي عبيط اوي بس عادي هم متعودين علي شكلي ده ف خبطت و كانت الصدمه لقيت مين اللي بيفتحلي المعيد
اععععععع
ياسر جه علي صوتي .. ايه يا بنتي في ايه كل ده و معيد قاعد يضحك عليا .
بسبوسه اديها لأمك يلا سلام عليكوا .. و طلعت اجري روحت طبعا للي مليش غيرها ليلي
الحقيني الحقيني
_ في ايه بنت الهبله
