الحلقة التانية من رواية امى ودنيا
انت في الصفحة 1 من 4 صفحات
ال2
دنيا هتتجنن مش متخيلة إن ابنها ماټ أمها وأبوها واخوها محمد وأختها جويرية الاتنين واقفين حواليها وجوزها فريد قاعد على جنب حاطط إيده على خده وزعلان لكن مفيش حد بيؤازره.
_ ابني يا ماما ابني يا ناس.
_ ربنا يعوضك خير يا بنتي انتي لسة صغيرة ولسة هتخلفي غيره وغيره وغيره.
دنيا بتركز في كلام أمها نفس الكلام اللي هي قالته للست عايدة أم فريد جوزها هو نفس الكلام
فريد قام من مكانه ناحيتها بيحاول يهديها
_ اهدي يا دنيا ده قدر ربنا وأكيد هيعوضنا خير.
دنيا بكل عصبية بتدفعه بعيد عنها
_ امشي بعيد من هنا غور يلا مش عايزة اشوف وشك.
فريد مستغرب هي مراته بتعمل معاه كده ليه
_ ايه اللي بتعمليه ده يا دنيا.
_ علشان أمك هي السبب أمك هي السبب.
_ أمك هي اللي دعت على ابنك دعت على ابنك انه ېموت.
_ وهي أمي شافت ابني فين
الأم نهاد قامت من مكانها وبصت عليه تبعده عنها وهي بتهديه
_ هي تقصد ان أمك مش بتبطل دعوات عليكم أكيد ياريت تسيبها دلوقتي لحد ما أعصابها ترتاح.
فريد مشي بعيد بكل ضعف واستكانة مش قادر ياخد موقف رجولي حتى من إهانة مراته ليه قدام أسرتها
_ امسكي نفسك يا دنيا جوزك هياخد باله إن أمه جات وسألت عنه متخليش اللي انت فيه ېخرب عليكي.
_ يغور في داهية يا ماما أنا مش عايزاهم تاني
أبوها البرنس محمد السبكي بيهمس بصوت يسمعوه
_ داهية ايه يا بنتي بس انتي ناسية شغلنا معاه.
_ أوووف .. أنا هفضل مستحملاه لحد امتى
أخوها بيبص ناحية فريد وبيغمز لهم بعينه
الأب والأم انفضوا من حواليها وراحوا يعملوا نفسهم بيهدوا فريد
_ شد حيلك يا ابني .. أكيد ربنا هيشفعه فيك.
دنيا وأختها بيبصوا عليه من بعيد هياكلوه بعينهم
في بيت عايدة..
كانت قاعدة بټعيط وهشام بيحاول يهديها ويهزر معاها وكانت أخته سهيلة وأخوه خالد حواليها وهشام بيحاول يهزر قدامها ويضحكها علشان تخرج م اللي هي فيه.
_ يا لهوووي .. وتضيع مني يا هشام .. إياك تعمل أي مشاكل..
_ يبقى تهدي كده وتعيشي سلطانة وأكيد الكلب ده هيجي لك لحد عندك في يوم.
_ متقولش على أخوك كلب .. عيب
_ حاضر .. مش هقول ع الكلب انه كلب علشان خاطرك
_ وبعدين يا هشام .. قلت لك متقولش عليه كلب
_ حاضر يا ماما .. بس اللي حواليه كلهم كلاب..
هشام وقف من مكانه وبيبص على سهيلة وخالد
