انت عمرى بقلم ايمان صالح
انت في الصفحة 1 من 5 صفحات
اسكريبت كامل
_انتي كنتي واقفه مع واحد امبارح ليه
_عادي يعني كان بيسألني علي حاجه
_عادي!مش ميه مره اقولك متقفيش مع حد غريب انتي مبتسمعيش الكلام ليه !
_يعني انا روحت وقفت معاه هو اللي وقفني
_كنتي مشيتي وسيبتيه متقفيش
_كان بيسألني علي رقم بابا
وقف بهدوء_وبيسألك علي رقم باباكي ليه
_رقمي انا
_ااه
_كان عايز رقم ولي امري وانا معرفش غيرك كده انا غلط !
_لا مش غلط انا هبقي اعرف كان عايز ايه
مشي وانا بصيت عليه إنسان غريب وتصرفاته اغرب مش عارفه هو بيفكر في ايه اتنهدت وانا ببص قدامي وبقرا في كتاب ومندمجه اوي سمعت صوت خالتي ورايا
_بتعملي ايه يا روان قاعده لوحدك وسيباناه ليه
_بقرا يا خالتي الكتاب ده حلو اوي
_كالعاده يعني اقراي يا نور عيوني بس حازم مشي زعلان ليه
_مش عارفه يا خالتي ابنك ده غريب قال ايه واقف مع واحد غريب يعني يا خالتي انا روحت وقفت معاه بمزاجي
ابتسمت بهدوء_هو خاېف عليكي بس
_طيب انتي زعلانه ليه دلوقتي
_عشان دايما بيشك فيا حاطتني دايما في موضع شك
_انتي فاهمه غلط يا روان حازم مش بيشك فيكي ده خوف عليكي مش اكتر انتي معانا ومسؤوله مننا من بعد وفاه مامتك وباباكي فبيخاف عليكي
_ماشي يا خالتي
_يلا تعالي بقي ادخلي جوه عشان امل و احمد عايزين يقعدوا معاكي يلا
ايمان_صالح
مسكت في أيدها ودخلت معاها البيت حقيقي خالتي دي الطف حاجه في الكون .
_رايحه فين دلوقتي كده
_رايحه عند صاحبتي هنقعد مع بعض
_في الوقت ده !الوقت أتأخر
_دي لسه المغرب مأذنه من شويه فين التاخير ده
_عقبال ما تروحي وتيجي هيكون الوقت اتأخر متروحيش
_هو ايه اللي متروحيش اصحابي مستنين يا حازم
_لا هروح لوحدي
_انا مستحيل اسيبك تروحي لوحدك قدامي اوصلك
بصتله من فوق لتحت ومشيت وهو مشي ورايا وفتح باب العربيه
_اتفضلي سيادتك
_شكرا
رحب العربيه واتحرك وبعدها بصلي
_كمان مش عاجبك !
_انا اتكلمت يا حازم انت عايز تتخانق وخلاص !
_انا نفسي تبطلي لماضه يا روان ھتموتي لو متكلمتيش يعني
_صبرني يارب ها بيت صاحبتك في الشارع ده !
هزيت وهو بيوقف العربيه هو عارف أصحابي كلهم واماكنهم كمان عشان بيجبني عندهم دايما .
نزلت وكنت هدخل بس هو وقفني
_استني
_نعم !
_متتاخريش جوه ورني عليا اجي اخدك
_حاضر
_لو اخو صاحبتك ده جوه وكلمك مترديش عليه
_مبردش
_قولي حاضر
_حاضر
_متتاخريش ولو حصل حاجه رني عليا
_هيحصل ايه يعني
_تاني بتقوحي قولي حاضر
بصتله بغضب_طيب انا هدخل هتاخر عليهم
ضحك_ادخلي يلا
دخلت وهو ساق العربيه ومشي شخص غريب اصلا دخلت عند اصحابي وحضنتهم كانوا وحشني اوي بعد التخرج الحياه بتاخد الإنسان ومش بنتقابل خالص قعدنا مع بعض ضحكنا وهزرنا وكان يوم حلو بيهم طلعت بره وقولت ارن عليه رنيت عليه وقالي جاي وطبعا كانت صاحبتي وقفه معايا بس انا مشيتها كنت واقفه وحازم أتأخر شويه وبعدها جه شباب وقفوا قصادي وكانوا بيضايقوني لسه هبعد لقيتهم مشيوا وحازم بيقرب عليا
_حد فيهم عملك حاجه
_لا
اتعصب_مش قولتلك قبل كده متطلعيش من البيت غير لما اقولك تطلعي وانا بره اي طلعك وانا مش موجود
_انت بتزعق ليه ايه يعني لما اطلع واستناك
_انت مبتشوفيش مش كان فيه ناس بتضايقك
_اعملهم إيه يعني مقفش
_لا يا هانم متقفيش يلا اركبي
كان بيتكلم بعصبيه وفتح الباب وانا ركبت وانا بكتم ضحكتي بالعافيه شكله بيضحك اوي وهو متعصب ! بصلي وابتسم_اضحكي يا اختي بتضحكي علي ايه دلوقتي
ضحكت بصوت_شكلك بيضحك وانت متعصب
رمي علبه المناديل عليا _اسكتي طيب عشان مضربكيش
وصلنا البيت وطلعت الأوضه
