ما تلمس ايدى
نتقتبل بكرا نفس المعاد..
كله جرى على أسيل عشان يحضنها و يسلم عليها و يديها البوسة الموعودة.. كلهم أطفال الكبير فيهم ميتعداش ١٠ سنين.. بس أطفال متحسهمش أطفال!
مع السلامة يا أسيل هتوحشينا..
إبتسمت ليهم و قالت
مع السلامة.. و أنتو كمان..
و أنا
_ نعم
هاخد الزينة فين يعني فهمتي اي
حست نفسها هبلة فتداركت الموضوع و قالت
إستني!
_ في اي
خدي دي..
شولت فملامحك بعض الحزن.. و مش هقدر أقولك غير أني آسف عليه مكنتش أتمنى إني أكون سبب فحزن ليك فا..
إتفضلي دي مني.. و تصبحي على وشي بإذن الله..
بصت للشكولاتة بكسوف إزاي عرف إن هي بتحبها
_ شكرا ليك بس أنا مش عايزة و أنت من أهله..
مش عايزة!!
طب خدي..
حط إيديه فجيوبه و قال بهدوء
تصبحي على خير..
قال و هو ماشي..
_ و أنت على ذمتي قريب بإذن الله..
فضلت متنحالة لحد ما كان وصل للمسجد إللي على أول الشارع.. و فجأة و هو بيلف عشان يبص ورا طلعت تجري لاحسن شكلها كان هيبقى زفت أوي و جدا إن شافها واقفة و ممشتش!
و عدت الأيام..
_ يااه أجواء التروايح وحشتني جدا جدا..
_ الإسدال مبنزلش بيه أنت جيباهولي ليه حضرتك
عشان ألبسه أنا أنت مالك
_ ولله!
لبست طقم محتشم كان جميل جدا و شيك.. إبتسمت بعد تنهيدة و هي بترفع أطؤافه و مبسوطة بيه و بحلول شهر رمضان الكريم و أجواءه الجميلة..
و المرة دي..
في مصلي إمام جديد..
طبعا هي مهتمتش بس إللي فرق معاها إن كله فحياتها إتجدد معادا وجوده!
خدت نفس و خدت أختها و نزلوا يجروا ورا بعض لدرجة إن أسيل كانت هتاخد دور كامل زحلقة..
_ يلاهوي.. يا بت إهدي كنت هتاخدي الدور نزول على وشك..
إسكتي ملكيش دعوة انت عايزين نروح المسجد أول ناس.. يلا!
عشان كدا بجري..
و هو إتحداني مين يروح الأول و أنا مبخسرش تحدي!
_ امم طا ....
أحيييييه دا قرب عالمسجد!
_ أسيل إهدي يا مچنونة..
هو عشان الشارع فاضي يعني
فضلت تناديها و إيديها متشبكة فإيد أسيل إللي أول ما شافت باباها قرب عالمسجد مشافتش قدامها و قررت تسابقه مهما كلفها الأمر..
و حصل فعلا!
كانت قدامه و هي بتنهج و بتحاول تنطق حرف لكن مكانتش قادرة أصلا!
مش لما تاخدي نفسك الأول إبقي إتكلمي!
يعني خلاص هغرم حوالي ٥٠ جنيه!
و أنت طلعتيلي منين أنت!
ضحكت بطريقة هادية و قالت _ من شابه أباه يا والدي
