مطبختيش ليه
انت في الصفحة 1 من 3 صفحات
أنا جعان جدا جهزيلي الغدا يا سهيلة عقبال ما أغير هدومي
اطلبلنا دليفري
كنت داخل الأوضة أغير وقفت مكاني على كلمتها لفيتلها و..
وأطلب دليفري ليه! انتي مطبختيش
بصت للتليفزيون لأ مكنتش فاضية
اترفزت يعني ايه مكنتيش فاضية! اومال كنتي بتعملي ايه من الساعة 8 الصبح!!
نفخت كنت نايمة ولما صحيت كلمت ماما وبعدين كنت بعمل شعري ف ممكن تهدى ومتكبرش الموضوع!
مكبرش الموضوع! انتي شايفة اني مكبر الموضوع! صوتي على لما كل يوم والتاني عايزة دليفري وزفت لدرجة اننا بنخلص المرتب أول عشر ايام في الشهر أبقى أنا كدا مكبر الموضوع! لما أبقى مهندس في شركة محدش بيدخلها بالساهل ومع ذلك مرتبها مش بيقعد معايا لنص الشهر أبقى كدا مكبر الموضوع! لما تخليني أشتغل شغلانتين عشان أكفي مصاريفك ومصاريف البيت أبقى كدا مكبر الموضوع!!!
بصيتلها باستنكار بتعب بغيظ وسيبتها ودخلت الأوضة يمكن لو كنت وقفت قدامها كمان دقيقتين كان ممكن أقتلها عادي غيرت هدومي وطلعت رميت نفسي على السرير بتعب بصيت للتليفون واتنهدت بخنقة وقفت فجأة ولمېت مفاتيحي وحاجتي وبعدين طلعت..
بضيق نازل عند أمي تغديني
بغيظ وهتسيبني من غير أكل يعني!
ابتسمت المطبخ قدامك أهو خشي ابدعي
سيبتها ونزلت من غير ما ترد وقفت قدام شقة ماما وبتعب خبطت على الباب عطيت الباب ضهري وأنا قاعد ببص ل نقطة فاضية قدامي وشوية ولقيت الباب بيتفتح لسة هلف بابتسامة فسمعت شهقة كبيرة ومن بعدها الباب اترزع في وشي خبطت من تاني بذهول وشوية ولقيت أمي طالعة تفتحلي وهي بتضحك..
بضحك لا اتفتح تعالى دي ندى جوا
ابتسمت بجد! طب هسيبكم وأطلع دلوقتي تلاقيكوا قاعدين مع بعض
كشرت وشدتني يا واد تعالى
دخلت معاها قفلت الباب وأنا دخلت على الصالون ورميت نفسي على أقرب كنبة بإرهاق..
بحنان اصبر هقول لندى تحط الأكل عشان تاكل معانا
متتعبيهاش يا ماما
هزيت راسي بماشي وهي سابتني ودخلت أوضتها ندى تبقى بنت خالتي أقرب شخص ل ماما صحيح مكناش بنطيق بعض من صغرنا بس قربها من ماما مخلي ليها مكانة خاصة عندي.. يمكن لإنها بتعمل اللي أنا مبقدرش أعمله!..
........
مش هتقولي ايه اللي حصل!
بتعب صدقيني مفيش
بغيظ انت شايفني هبلة يا أدهم! ما احنا سمعنا صوتك العالي وزعيقك
ماما أنا عايز أنام
طبطبت على راسي وبدأت تلعب في شعري وهي بتقرأ المعوذتين في سرها وشوية.. ونمت بين ايديها..
.......
انت نمت تحت امبارح ليه!
كنت تعبان ونمت تحت عادي
بنرفزة لا مش عادي تبات تحت ليه واللي اسمها ندى دي تحت!
بصوت عالي إياكي تغلطي فيها يا سهيلة سامعة!
زعقت لا مش سامعة يعني انت سايبني هنا امبارح ونازل تبات تحت عشان السنيورة!
قربت منها بسرعة شديت دراعها پعنف وبتحذير..
أقسم بالله يا سهيلة لو ما فوقتي وعرفتي انتي بتقولي ايه.. ل..
قاطعتني هتضربني يا أدهم! ايه! مش مستحمل كلمة على ست الحسن
زقيتها بنرفزة وبعدت عنها بصيت حواليا بغيظ مالي نفسي ومرة واحدة شديت كوباية لقيتها قدامي حدفتها في الأرض صړخت بړعب بس أنا بدأت أزعق بتعب.. وكره..
انتي اييه! مبتحرميش! هترتاحي لما تخليني أمد ايدي عليكي! ارحميني بقى يا شيخة ارحمي بيطلع عيني عشان أجيبلك الفلوس اللي بتخلصيها على حاجات ملهاش أي ستين لازمة وقلت ماشي مبتهتميش بحاجة تخصني غير لما بطلب منك وبرضه سكت وقلت ماشي بتمني عليا يوم ما حالك يتعدل وتنزلي تشوفي أمي وبرضه بحط جزمة في بوقي ومبطلبش منك حاجة فوق طاقتك أما أنا خلاص جبت أخري منك انتي ايه! مش بترحمي!
رجعت لورا پخوف وأنا نفخت وبصيت حواليا بخنقة سمعت الباب بيخبط فسيبتها وطلعت أفتح وأول ما فتحت سيبت اللي على الباب مكانه من غير ما أنتبه ونزلت أجري على تحت.. عايز أهرب وبس!..
.......
مش هتصالح مراتك بقى يا أدهم!
بزهق مش أنا اللي مزعلها عشان أصالحها يا حماتي بنتك عارفة هي عملت ايه كويس
بعياط انت
