انت ازاى تقنع بابا

انت إزاي تقنع ماما إن مكنة الفشار مش مهمة
يمكن عشان هي مش مهمة فعلا يا حلا!
انت ليه مش بتحترم رأيي ورغباتي
رغباتك وانتي شايفة إنه شيء منطقي إننا ندفع كل الفلوس دي في حاجات زي دي هي الحلة قصرت معاكي في حاجة هو أنا وأبوكي مبنصعبش عليكي يا بنتي
بصيتلي باستنكار
انت قصدك إيه يعني
قصدي إنك بتبالغي زيادة عن اللزوم يا حلا يعني أنا ووالدك قاعدين قدامك مش عارفين نتنفس من كتر طلباتك وانتي كل اللي همك إنك عايزة فوق كل دا مكنة فشار زي صحبتك!!

نفخت وهي بترد بعصبية
وأنا مليش دعوة بكل دا يا عدي أنا مش بتجوز كل يوم ثم إن دي حاجة مهمة بالنسبالي وتعتبر من الأساسيات وأنا من حقي يجيلي كل اللي أنا عايزاه.
حاولت آخد كذا نفس طويل وأنا بحاول أهدي نفسي وبعد دقايق رديت
طيب يا حلا انتي صح انتي مش بتتجوزي كل يوم وفعلا من حقك تجيبي كل اللي انتي عايزاه وانتي عارفة إني أنا وباباكي لو نطول نجيبلك نجمة من السما هنجيبهالك والحمد لله لحد دلوقتي مقصرناش معاكي في شيء طلبتيه لكن بالراحة علينا شوية يا حلا والدك بيقولي إنه معتش عارف يتكلم معاكي في الحوار دا ولا عارف يسيطر على طلباتك.. حبيبتي أنا وباباكي يعتبر فنشنا فلوس ولسة حتى مشوفناش لا القاعة ولا الفستان ولا الكلام دا كله فواحدة واحدة وبعدين يا حلا اللي ميجيش دلوقتي نجيبه أنا وانتي بعد ما نتجوز عادي مش لازم كل حاجة تيجي دلوقتي يعني هو مش إحنا كنا متفقين على كدا!
بصت بعيد ومردتش فاتنهدت وأنا بقول بصوت حاولت أسيطر عليه وأخليه هادي على قد ما أقدر
حلا بجد حقك عليا بس فعلا الفترة دي صعبة وولا أنا ولا والدك حمل كل دا.. انتي شايفة الدنيا غالية إزاي وال..
وانت طالما مش قادر على المصاريف بتتجوز ليه
حسيت إني مفهمتش جملتها لكن بعد دقيقة واحدة كنت بقف مكاني وأنا حاسس براسي ھتنفجر من الصداع.
قصدك إيه يا حلا
صوتها علا وهي بتقف قصادي
قصدي اللي فهمته بالظبط أنا مش هتنازل عن أي حاجة أنا عايزاها وبابا هيجيبلي اللي أنا عايزاه ولو مش عاجبك يبقى كل شيء قسمة ونصيب.
بصيت لوالدها اللي دخل الصالون على صوتها العالي وهو بيبصلي بتساؤل وقبل ما أنطق أو أحاول ألم الموقف اتكلمت هي..
أنا مش أقل من صحباتي عشان أتنازل عن حاجة انت شايفها مش مهمة ولأ يا عدي لازم كل حاجة أنا عايزاها تيجي دلوقتي أنا مش هستنى لبعد الجواز ولو مش عاجبك أو مش قادر على مصاريف الجواز فهقولهالك تاني.. كل شيء قسمة ونصيب.
حلا.
بابا لو سمحت متدخل..
بلا سمحت بلا مسمحتش ادخلي على أوضتك يا بنت.
حاولت تعترض لكنه قرب وشدها پعنف وهو بيوديها لأوضتها ڠصب عنها وكل دا وأنا واقف مكاني بجمود مش قادر أستوعب اللي حصل حتى معقولة دا بيحصل!!
عدي يابني أنا آس..
قاطعته بابتسامة باهتة
متعتذرش يا عمي دي مش غلطتك هي عندها حق.. دا حقها بعد إذنك.
اتحركت خطوتين لكني رجعتله من تاني وأنا بقلع الدبلة وبقوله بخنقة بعد ما حطيتها قدامه على الترابيزة الصغيرة
وأتمنى تبلغها إن فعلا كل شيء قسمة ونصيب وإني آسف عشان ضيعت وقتها معايا بعد إذنك.
سيبته ونزلت وأنا حاسس إن فيه ڼار مولعة في راسي وبمجرد ما وصلت للشارع وقفت أول تاكسي وطلبت منه ياخدني لأي مكان بعيد وأنا كل اللي بيتردد في دماغها صوتها وهي بتقول وانت طالما مش