انت ازاى تقنع بابا

بقى فيه تجهيزات وتحضيرات للبيبي غير مصاريف الولادة اللي مش عارف الجمعيات اللي داخل فيها هتغطيها ولا لأ وفلوس المستشفى والحضانة اللي الدكتورة قالت ممكن البيبي يحتاجها و.. وحاجة هم بجد.. هم.
سكت لحظات وأنا بحاول أفكر وبعد دقايق لقيتني بقول من غير تفكير
أنا وحلا سيبنا بعض عشان معتش قادر أستحمل طلباتها يعتبر حاولت أتكلم معاها وأناقشها بس لما لقتني بعترض على مكنة الفشار اللي ھتموت وتجيبها قالتلي كل شيء قسمة ونصيب.
عنيه وسعت بذهول وهو بيرد باستنكار
مكنة فشار!!
ضحكت بهم
آه والله الواحد مسحول في شغل جمعيات وتجهيز شقة ومش ضامن حتى هيفضل معاه فلوس ولا لأ للفستان والقاعة والهيصة اللي هي كانت عايزة تعملها في الفرح وهي واقفة متربسة دماغها على مكنة فشار ولما قولتلها ترحمني أنا وأبوها شوية وتحاول تشوف المهم الأول وبعد ما نتجوز نبقى نجيب أي حاجة هي عيزاها وقفتلي وقالتلي وانت طالما مش قد المصاريف بتتجوز ليه! أنا معنديش مشكلة مع اللي هي عايزاه ولا عندي مانع تجيبه لكن لما يكون والدها مش قادر يسد أقساط الأجهزة الأساسية حتى وأنا يدوب زاقق الدنيا بالعافية في العفش وتجهيزات الشقة ودي قاعدة تتكلم في حاجات غريبة كدا فعليه العوض والله بس يلا.. أهو الحمد لله.
ساد الصمت بينا لدقايق وبعدهم قطعه عصام بضحكة عالية.
انت مچنون يا عصام يا حبيبي
حاول يسيطر على ضحكته وهو بيقول
ولا والله بس افتكرت حاجة.
خد كام دقيقة بيضحك وأنا بتفرج عليه بملل لحد ما اتكلم وهو بيمسح دموعه اللي اتجمعت في عنيه من كتر الضحك
ااه يخربيت الاختراعات بجد قال مكنة فشار قال ييجوا يشوفوا الحلة اللي حسن مسميها فيفي وهو كل شوية يجيبها لأمه ويقعد يتنطط قدامها يقولها خدي طرقعيلنا فيفي يا ماما عشان ناكل popcorn.
فيفي!
ضحك
آه والله سماها فيفي ويا ويل نهلة لو شافها بتعمل فيها حاجة غير الفشار بجد بيكون يومها فل.
ابتسمت على طفولية حسن اللذيذة واتنهدت وأنا بتكلم بشرود
تفتكر فيه أمل ييجي يوم ألاقي واحدة تقدر تصبر على اللي إحنا فيه دا
يابني هتفرج والله وإذا كان ربنا مكتبلكش نصيب مع حلا فبإذن الله يكون نصيبك مع غيرها انت بس استعين بالله وسيبها على الله وهي هتعدي والله بتعدي يا عدي فاكر انت ظروف ولادة حسن فاكر حصل إيه يومها واتحلت إزاي على آخر لحظة
ابتسمت جامد وأنا بفتكر إزاي كنا سهرانين سهرة زي دي من كام سنة فاتوا باختلاف إن عصام يومها كان مڼهار من الړعب وهو مش عارف هيصرف مصاريف المستشفى إزاي ومراته خلاص مبقالهاش كتير وتولد وأزم الموضوع إنه بمجرد ما هدى وطلع شقته وأنا مشيت معداش عليه ساعتين ولقيته بيرن عليا بيقولي بعياط إن نهلة بتولد خلاص وإنه داخل بيها على المستشفى يومها كان مڼهار ومش قادر يشيل نفسه لكن بمجرد ما طلعت نهلة من أوضة العمليات لقينا واحد صاحبه كان مسافر ورجع من كام شهر واستلم شغله كمدير للمستشفى جاي علينا واللي أول ما عصام افتكره وسلم عليه خلاهم يخلصوا حسابه من غير ما يدفع ولا مليم كنوع من عرفان الجميل قصاد خدمة كان قدمهاله عصام قبل كدا في وقت كان محتاجه فيه.
إوعى تنسى يا عدي إننا بنيجي نصيح لبعض هنا كنوع من الفضفضة مش اليأس وإوعى تنسى إن ربك عمره ما بيسيب عبده في ضيقة ومييسرهاش عليه وزي ما دايما بتتحل فهي المرادي برضو هتتحل ولعل كل اللي حصل معاك دا كان