فسخت خطوبتى بقلم منة_العدوي

صدقيني هاجبها واجي بس سبينا فترة..حاضر..سلام.
قفلت ورجعت بصت لرهف
هكلمك بعيدا عن إنهم جيران لينا وعارفة أهله وعارفاه هو شخصيا..أنا من اللي شوفته طول فترة خطوبتكم وأنا واثقة إنه بيحبك دا بإعتبار إني أول مرة أعرفه ومش عارفة إنه بيحبك من قبل أي حاجة رسمية تاني حاجة مين قالك إن الإنطوائية مرض لازم يتعالج منه دا طبيعته كدا طلع خجول وانطوائي بس جربتي تتعاملي معاه قبل كدا بشكل طبيعي من غير ما تبصي لأنطوائيته
ساعات يا رهف بتكون البيئة اللي اتربي فيها خلته كدا مواقف عدة حصلت معاه خلته كدا تنمر من صغره خلاه كدا هو أصلا دي طبيعته نحاول بالتدريج نخرجه منها أو نعرف إزاي نتعامل معاها ونتأقلم عليها غير كدا يا حبيبة قلبي خجله وتوتره وأنطوائيته مع الإلتزام بضوابط الخطوبة بين إنه وحش زيادة عن اللزوم
لسه هتتكلم قاطعتها وهي بتكمل
وقبل ما تقولي أي حاجة هضيف بس حاجة صغيرة
هزت راسها بهدوء فضمت الخالة إيدها بضغطة خفيفة
ممكن أنت يا رهف محاولتيش تدي لنفسك فرصة تعرفيه أكتر ممكن أنت من الضغط عليك أخدتي الأمر تأدية غرض وخلاص حاولتي تعرفي حاجة عنه أو تقربي منه وتكتشفي شخصيته بجد.
كانت باصة ليها بإهتمام أفكارها تشوشت نظراتها حيرة
مش هنكر أنا عارفة إنه بيحبني وأفعاله كدا بتأكد دا حتى نظراته هو كان بيحاول يعمل أي حاجة بتفرحني خلال فترة الخطوبة دايما كان بيسأل ماما وأخويا من غير ما أعرف على كل حاجة تخصني بحب أي بكره أي..من ناحية أخلاقه فدي أخلاق شخص أي واحدة تتمناها بيصلي بيجاهد عشان يحفظ القرآن مش بيشرب سجاير بيحاول كل فترة يضيف سنة أو عادة دينية في حياته ويخليها ثابته في حياته وغيره بس..منكرش إن أوقات كتير بكون مبسوطه معاه ولكن شخصيتة مضيقاني يعني هل أنا كدا بعد الجواز هتكلم نيابة عنه هتعامل نيابة عنه هكلم نفسي وهو يكون دايما ساكت.
حاولتي تدي لنفسك فرصة طيب تعرفيه سألتي مامته أو هو نفسه أو أنا عن أي شيء يخصه جربتي تكتشفيه.
هزيت راسي بلاء من غير إهتمام
طيب وعرفتي إزاي بقى أنكم مختلفين تماما
شخصيته يا خالتو باينة قدامي بوضوح.
طيب ما تجربي تخليه يتعامل كل شوية مع حد خليه يختلط أكتر خدي بإيده وطمنيه إن مفيش داعي للتوتر دا أنت قدها جربي تحطي في بالك إن شخص طبيعي وإن دا عامل بالضبط زي الشخص الإجتماعي أدي لطارق فرصة يا رهف هو يستحقها والله ومش هتلاقي زيه.
عدى يومين وأنا مشوشة من عارفة أعمل أي في جزء مفتقده وجزء مصر على إن كل واحد من طريق دا هيكون أفضل!
وقررت أرجع لماما وبابا
أول ما دخلت مع خالتو ماما قربت مني وزعقت
ممكن أفهم الهانم مش عايزة تكلمنا ليه سايبة البيت ليه أجبرناك