فسخت خطوبتى بقلم منة_العدوي
من غير ما اتحرك من مكاني أو حتى أغير نظري
ولو قولتلك إني قررت أدي لعلاقتنا فرصة تانية.
اتجمد في مكانه قلبه دق رعشة سرت في جسمه لف بسرعة وعيونة رجعت لها اللمعة وقرب كام خطوة وبنبرة مهزوزة
أنت قولتي أي أنا سمعت صح أنت قولتي هتدي لعلاقتنا فرصة..هنرجع تاني!
وقفت وبصت له بميلة خفيفة براسها ابتسامة خفيفة اترسمت على شفايفها
قلبه دق پعنف هو فرحان بشكل ميتوصفش ضحك وهو مش مصدق
أنا..أنا مش عارف أقول أي..شكرا
قلبها دق رعشة غريبة انتابتها أول مرة تشوف ضحكته كانت جميلة جميلة بشكل يخطف القلب ميلت راسها وبصت لضحكته بتأمل وابتسامة خفيفة اترسمت على شفايفها تلقائيا
طيب عن إذنك هنده على بابا
بعد عن الباب كام خطوة وأنا خرجت بسرعة
وقفت قدام المرايا وبصيت للدبلة اللي في صباعي عدى أسبوع على رجوعها لإيدي تاني هو كان بيحاول يغير من طبعه فيهم حاول عشاني أكتشفت إنه إنسان جميل مش زي ما عقلي مصور ليا شخص عادي ليه مميزات زي ما ليه عيوب زي أي شخص أو ممكن نقول مميز شوية صغيرين خرجت من شرودي على خبطة خفيفة على الباب ضبط خماري بسرعة
الباب اتفتح ودخل مازن أخويا ابتسم ليا
جاهزة..طارق برا مستنينا.
هزيت له راسي بهدوء وخرجت معاه كان لابس قميص أسود على بنطلون أسود كام خصلة خفيفة نازلة على جبينه كان شكله جميل ويمكن دي أول مرة أخد بالي من دا.
يلا.
هزيت له راسي ومسكت إيد أخويا ونزلنا
أخدنا على كافيه بيطل على البحر كان المنظر يجنن القمر والنجوم ساطعة صوت أمواج البحر نسمات الهوا الباردة ديكور الكافيه كل شيء مضبوط بعناية
أي رايك في المكان عجبك.
ابتسمت تلقائي وبصيت للمكان حواليا
المكان بجد يجنن كأنه طالع من الحواديت.
كنت عارف إنك بتحبي البحر فجبتك هنا مبسوط إنه عجبك.
بصيت له للحظات وبصيت لدبلتي حسيت إني مندمتش لما رجعتها لإيدي حسيت إنه شخص كان يستحق فعلا الفرصة التانية رفعت وشي ورجعت بصيت له وأنا مميلة راسي حاجة بسيطة
عايزة تعرفي عني أي
أي شيء اتكلم وأنا سمعاك
رجع بظهره وسند على الكرسي وابتسم
شخصيتي تبان غريبة ولكني بكره العصبية بحب الهدوء والعزلة بحب البحر ودي حاجة مشتركة بيني وبينك وجمعت دا في المكان دا
بصيت له بحيرة
قصدك..
قاطعني
أنا اللي صممت المكان دا هو ده مشروعي اللي بشتغل وبسهر عشانه سبع سنين
عيوني وسعت وبصيت حواليا وأنا بشاور عليه بصباعي
إنك قصدك إن الكافيه دا بتاعك
هز راسه بابتسامة خفيفة
