فسخت خطوبتى بقلم منة_العدوي

إحنا إحنا بس عايزين نعرف ليه أي السبب.
هزيت راسي بيأس منها ودخلت
ممكن تهدي يا ماما وتعالي نتكلم بهدوء.
قربت مني ومن غير أي مقدمات
طارق جوه مع أبوكي في أوضه الضيوف حابب يتكلم معاك.
بصيت لها بدهشة وزهول وأنا بحاول استوعب هي قالت أي
طارق مين!..هو هنا وعرف إزاي إني جاية انهاردة
ماما بصت ليا بغيظ
هيكون طارق مين يعني وبعدين هو جاي ومفكر إنك هنا ولكن صدفة إنك جيتي انهاردة فأدخلي شوفيه.
تعالي يا رهف.
لفيت على الصوت كان بابا واقف على باب الاوضة ابتسم ليا ومد إيده
تعالي يا بنتي.
بس..
تعالي حتى سلمي على أبوكي أي موحشتكيش.
قربت منه وحضنته حضڼي وطبطب عليا بحنية بعدني عنه وابتسم
من أمتى وأبوكي بيجبرك على حاجة.
ابتسمت له بإحراج وفركت في إيدي كمل كلامه
مش هجبرك على حاجة بس قبل ما ننهي الموضوع خالص اسمعيه هو محتاج يكلمك.
رفع كتفه مع ابتسامه خفيفة
مش يمكن تغيري رأيك بعدها!
اتنهدت
حاضر يا بابا هقابله.
طبطب عليا ودخلت وسبنا الباب مفتوح وهو قاعد برا قادر يشوفنا لكن ميسمعش دخلت وأنا قلبي بينبض كنت متوترة بضغط على صوابعي
أول ما شافني وقف على طول عيونه لمعت بصلي بلهفة
ابتسمت له بتلقائية قربت منه وقعدت قدامه على مسافة كافية
فضل واقف بيبص ليا وبس حمحمت بإحراج فابتسم بتوتر وبعد نظره بسرعة قعد قدامي الجو مليان توتر دقايق مرت من غير ما حد فينا يتكلم كسر الهدوء نبرة صوته الهادية
أخبارك أي يا رهف.
ابتسمت بلطف
الحمد لله بخير.
سكتنا لدقيقة اتنهد وأخيرا اتكلم
أنا مقدر سبب رفضك ليا مش جاي أقولك أني بسهولة هلغي التوتر وصمتي الكتير بتاعي وهكون من بكره نسخة أفضل زي ما أنت حابة.
بصيت له بدهشة فكمل
الإنسان مش بيقدر يتحكم يا رهف في مشاعر أو سلوك خارج عن إرادته بتوتر لما بتعامل مع أشخاص جداد عليا بحس إني مكسوف من أي شيء بعمله حتى لو دا طبيعي أنا حاولت كتير أغير دا بس كنت كل مرة بفشل من صغري تعاملي مع الناس كان قليل بابا وماما كانوا بيعملوا ليا كل حاجة مسابونيش أعتمد على نفسي أكلم دا أروح هنا أروح هنا كانوا بيخافوا عليا بما إني ابنهم الوحيد فأصبح صعب عليا لما كبرت إني اتعامل مع حد
مش عارف بقولك كدا ليه بس حسيت إني عايز أقوله رهف أنا كنت فرحان يوم ما وافقتي بيا فرحان لدرجة متخطرش على بال حد بس حقيقي بتمنى ربنا يعوضك بالأحسن مني بمراحل
ومش بقولك كدا عشان تشفقي عليا أو تغيري رأيك ولكن أنا بس حسيت إني عايز اتكلم معاك لآخر مرة.
أخد نفس طويل وابتسم
على العموم شكرا إنك سمعتيني..يلا هستأذن أنا السلام عليكم ورحمه الله وبركاته.
ردد أخر كلماته وهو واقف ابتسم وبصلي نظرة أخيرة ومشي فضلت باصة قدامي على أثر مكانه وفجأة قبل ما يخرج